Xəbər Lenti

İnfoqrafika

Arxiv

Yazar

28 Avqust

2019
12:30
ABŞ-dan 4 milyard dollarlıq hərbi satışa razılıq

ABŞ Xarici İşlər Nazirliyinin Yaponiya, Danimarka, Litva, Macarıstan və Cənubi Koreyaya ümumi dəyəri 4 milyard dollardan artıq olan xarici hərbi satışa razılıq verdiyi bildirilir.

FaktXəbər bildirir ki, ABŞ Müdafiə, Təhlükəsizlik Əməkdaşlıq Agentliyinin verdiyi açıqlamalara görə, nazirlik, Yaponiyaya 3 milyard 295 milyon dollar dəyərində 73 "Standard Missile-3" (SM-3) "Block IIA" tipli raketin satışına razılıq verib. Sözügedən satışa "SM-3" sistemlərinin dəstək elementləri ilə "MK-29" proyektorlarının da daxil olduğu qeyd edilib.

Bundan başqa, ABŞ XİN tərəfindən Macarıstana 500 milyon dollar dəyərində 180 ədəd "AIM-120c" tipli inkişaf etmiş hava-hava orta mənzilli raket (AMRAAM) satışına razılıq verilib.

Macarıstanın silah alışı ordunun modernləşdirilməsi ilə yanaşı regional təhdidlərə cavab və ABŞ-la birgə hərəkət qabiliyyətini inkişaf etdirmək məqsədilə həyata keçirmək istədiyi vurğulanıb.

Bunlarla yanaşı, nazirlik tərəfindən Cənubi Koreyaya 72 milyon dollar dəyərində 31 "MK-54" tipli yüngül torpedo, Danimarkaya 200 milyon dollar dəyərində 9 ədəd aşağı tezlikli lokasiya sistem ilə 600 ədəd lokasiya üzgəci satışı da təsdiq olunub.

Xarici İşlər Nazirliyinin həmçinin Litvaya 170 milyon dollar dəyərində 500 ədəd yüngül taktiki hərbi texnika satışını təsdiq etdiyi qeyd olunur.

Sözügedən təsdiqlərlə birlikdə ABŞ-ın bir gündə razılıq verdiyi silah satışının ümumi dəyəri 4 milyard 37 milyon dollara çatıb.

ABŞ-da hərbi satış razılıqlarının reallaşması üçün Konqresin NATO üzvü olan ölkələrə qarşı 15 gün, NATO xaricindəki ölkələrə qarşı isə 30 gün ərzində etiraz etməməsi lazımdır.

Məqalədə : ABŞ silah satışı 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
12737

Növbəti buraxılış imtahanları başlayıb

25

İyun
10:59
ELM / TƏHSİL
11461

AMB-nin valyuta məzənnələri

23

İyun
10:11
İQTİSADİYYAT
12879

Nefti qiyməti bahalaşmağa başlayıb

23

İyun
09:30
İQTİSADİYYAT
12468

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
17828

QMİ yaslarla bağlı xəbərdarlıq etdi

19

İyun
18:10
ÖLKƏ
12296

İyunun 22-də dolların manata qarşı məzənnəsi

19

İyun
17:55
İQTİSADİYYAT
12455
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


04-08-2020 15:04





  [email protected]

Valyuta.com

Рейтинг@Mail.ru