FaktXeber.com-un verdiyi məlumata görə, Səbail rayonunda Ramazan bayramı ilə əlaqədar tədbir keçirilib. Səbailin qəsəbələrində və yaşayış sahələrində Ramazan ayı ərzində ənənəvi olaraq imkansız vətəndaşlar üçün iftar süfrələri təşkil olunub, onlara müxtəlif yardımlar göstərilib. Rayonun Badamdar, Bibiheybət qəsəbələrində, 20-ci yaşayış sahəsində, Azərbaycan Dövlət İqtisad Universitetində keçirilən bu kimi tədbirlərdə yüzlərlə vətəndaş iştirak edib.

Rayonda keçirilən növbəti tədbir mübarək Ramazan bayramı ərəfəsində Qarabağ əlilləri, müharibə veteranları və şəhid ailələri ictimai birliyinin Səbail rayon şöbəsində təşkil edilb.

Mərasimdə ağsaqqallar və veteran təşkilatları şuralarının, Azərbaycan Vətən Müharibəsi Veteranları İctimai Birliyi Səbail rayon təşkilatının, Qızıl Aypara və digər cəmiyyətlərin rayon şöbələrinin üzvləri iştirak ediblər. Səbail Rayon İcra Hakimiyyəti başçısının müavini Yavər Allahverdiyev bayram tədbirində iştirak edənlər qarşısında çıxış edib.
Tədbirin sonunda rayon icra hakimiyyəti tərəfindən əziz bayram münasibətilə  hazırlanmış ərzaq bağlamaları, ilk növbədə, yardıma ehtiyacı olan ailələrə - şəhid, əlil, məcburi köçkün ailələrinə, tənha, kimsəsiz və s. aztəminatlı ailələrin üzvlərinə, həmçinin rayonun təsərrüfat xidmətlərinin texniki işçiləri də daxil olmaqla - ümumilikdə 1000-dən çox ailəyə təqdim olunub. Bayram münasibətilə gün ərzində imkansızlara 500 paya qədər qurban əti də paylanıb.

Nicat