Xəbər Lenti

İnfoqrafika

Arxiv

Yazar

23 Sentyabr

2021
13:18
Mikayıl Cabbarov Azərbaycanın investisiya planlarından danışıb

"Gələn il Azərbaycan hökumətinin əsas prioritetləri islahatlar və rəqabətədavamlı mühitin inkişafı olacaq".

Bunu Mikayıl Cabbarov Alman-Azərbaycan Xarici Ticarət Palatasının "Azərbaycanda Xarici Biznes: Biznes Mühiti üzrə Sorğu 2021" adlı hesabatının növbəti nəşrinin təqdimatı zamanı bildirib.

“Hazırda ölkədə iqtisadiyyatın müxtəlif sahələrinə investisiyalar üçün hələ də böyük potensial mövcuddur”, - deyən nazir xarici şirkətləri müxtəlif layihələrdə, o cümlədən Azərbaycanın azad edilmiş ərazilərində həyata keçirilən layihələrdə iştiraka dəvət edib.

Onun sözlərinə görə, Qarabağda ixtisaslaşmış iqtisadi zonaların yaradılması gözlənilir.

“Sənaye parklarında idxal-ixrac əməliyyatları üçün stimullaşdırıcı tədbirlər, gömrük və vergi güzəştləri tətbiq ediləcək ki, bu da öz növbəsində gələcəkdə ölkənin qeyri-neft sektorunun inkişafına öz töhfəsini verəcək”, - M.Cabbarov deyib və əlavə edib ki, bu seqmentdə malların ixrac həcmini 2,2 milyard ABŞ dolları səviyyəsinə çatdırmaq planlaşdırılır.

O, həmçinin COVID-19 pandemiyasının biznesə təsiri haqqında da danışıb: “Təbii ki, pandemiya bütün dünyada biznesə təsir göstərib. Xüsusilə də son il yarım hamı üçün daha çətin keçdi, indi isə hansı planların uğurla icra edildiyini anlamaq vaxtıdır. Azərbaycan üçün isə ötən il təkcə pandemiya ilə deyil, həm də ərazilərin azad olunması ilə səciyyəvi oldu”.

Onun sözlərinə görə, Azərbaycanın mürəkkəb dövrdə özəl sektorun dəstəklənməsi ilə bağlı səyləri, o cümlədən birbaşa investisiyalar və əhalinin sosial təminatı ilə bağlı həyata keçirdiyi tədbirlər hamıya məlumdur: “Bu gün sevinc hissi ilə deyə bilərik ki, ölkədəki biznes dövlət tərəfindən həyata keçirilən tədbirlərə müsbət reaksiya verdi və artıq iqtisadiyyatın bərpası müşahidə olunur. Ölkədə ÜDM-in, həmçinin ixracın artımı müşahidə olunur. Görülmüş tədbirlər nəticəsində cari ilin 6 ayı ərzində vergi yığımları ötən ilin analoji dövrü ilə müqayisədə 13,8% artıb, bu isə proqnozlaşdırılan göstəricidən 23% daha çoxdur".

Məqalədə : Mikayıl Cabbarov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

DİM işçi axtarır, maaş 2500-3700 manatdır

20

Oktyabr
12:57
ELM / TƏHSİL
269

Sabahın hava proqnozu

20

Oktyabr
12:32
ÖLKƏ
150

Azərbaycan nefti bahalaşır

20

Oktyabr
11:45
İQTİSADİYYAT
345

Kabildə güclü partlayış baş verib

20

Oktyabr
11:14
DÜNYA
260

Neftin qiyməti yenidən azalıb

20

Oktyabr
09:46
İQTİSADİYYAT
290

AMB-nin valyuta məzənnələri

20

Oktyabr
09:30
İQTİSADİYYAT
230
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-10-2021 20:34





  [email protected]

Valyuta.com

Рейтинг@Mail.ru