Xəbər Lenti

İnfoqrafika

Arxiv

Yazar

18 İyun

2020
12:44
Baş infeksionist maskadan istifadə ilə bağlı çağrış etdi

Hazırkı şəraitdə tələb edilən yerlərdə və hallarda tibbi maskadan istifadə etməyənlər qınanılmalıdır.

Bunu Azərbaycanın baş infeksionisti Cəlal İsayev deyib.

Onun sözlərinə görə, hazırda pandemiya üçün ayrılan xəstəxanalarda vəziyyət gərgindir.

C.İsayev deyib ki, bu qədər xəbərdarlığın edilməsinə baxmayaraq, insanlar tibbi maskadan istifadə məsələsinə hələ də “barmaqarası” baxırlar:

“Artıq modul tipli xəstəxanalar da fəaliyyətə başlayır. Digər xəstəxanalar da pandemiya xəstəxanalarının sırasına qoşulur, müvafiq tibb müəssisələrində koronaviruslu xəstələr üçün ayrılan şöbələrin sayı artırılıb. Amma həm ağır xəstələrin, həm də xəstəlikdən ölənlərin sayı getdikcə artır. Bu da onu göstərir ki, vəziyyət kifayət qədər ciddidir. Bu vəziyyətin özü vətəndaşlarımıza birbaşa xəbərdarlıq edir ki, məsələyə çox ciddi yanaşmaq lazımdır. Mən bütün vətəndaşlarımıza müraciət edib deyirəm ki, onlar ətraflarında maskasız gəzən insanları görəndə laqeyd qalmasınlar. Desinlər ki, maskasız gəzən insanlar onların həyatlarını təhlükə altına qoyur. Maskasız gəzən insan vəziyyətin ciddiliyini başa düşmür. Ona görə də maskasız gəzən insanlara hamı bir ağızdan deməlidir ki, siz maska taxın. Bu cür xəbərdarlıqlar bəlkə də həmin insanları yola gətirər. Heç olmasa, ətrafdakıların qınağı onlarda məsuliyyət hissini artırar”.

C.İsayev bildirib ki, bəzən insanlar COVİD-19-dan baş verən ölüm hallarını digər xəstəliklərdən ölüm halları ilə müqayisə edirlər. Baş infeksionist belə bir müqayisəni düzgün hesab etmir:

“Bəzən insanlar deyirlər ki, vərəmdən və ya digər xəstəliklərdən bu qədər insan ölür. Bunlar fərqli məsələlərdir. Axı, biz özümüzdən asılı olan şeyi niyə etməyək? Bunu edəriksə, vəziyyəti yaxşılaşdıra bilərik”.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
47674

Növbəti buraxılış imtahanları başlayıb

25

İyun
10:59
ELM / TƏHSİL
45796

AMB-nin valyuta məzənnələri

23

İyun
10:11
İQTİSADİYYAT
47419

Nefti qiyməti bahalaşmağa başlayıb

23

İyun
09:30
İQTİSADİYYAT
47011

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
52561

QMİ yaslarla bağlı xəbərdarlıq etdi

19

İyun
18:10
ÖLKƏ
46662

İyunun 22-də dolların manata qarşı məzənnəsi

19

İyun
17:55
İQTİSADİYYAT
47099
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-10-2020 11:59





  [email protected]

Valyuta.com

Рейтинг@Mail.ru