"Koronavirus infeksiyasının klinik simptomları tamamilə yox olandan sonra, bir çoxlarında hələ də titrəmələr var", - deyə Moskva Dövlət Universitetinin tibb kafedrasının endokrinoloq və böyük elmi işçisi Zöhrə Pavlova bildirib.

Onun sözlərinə görə, əksər xəstələr bunu ikinci bir xəstəlik kimi qəbul edir və yenidən dərman qəbul etməyə başlayırlar.

"Ancaq testlər mənfi nəticə göstərdikdə, bədəndə koronavirusun olmaması aşkar edildikdə, alimlər belə qənaətə gəldilər ki, bu, termotənzimləyici mərkəzin zərər görməsinə səbəb olan mərkəzi sinir sistemindəki pozuntudan yaranır", - deyə Pavlova "kp.ru" saytına verdiyi müsahibədə bildirib.

Mütəxəssis bu vəziyyəti aradan qaldırmaq üçün rəsmi standart bir klinik tövsiyələrin olmadığını qeyd edir.

"Fizioloji baxımdan qan damarlarının spazmı meydana gəldikdə və qan dövranı qismən pozulduqda titrəmələr hiss olunur", - həkim deyir və buna görə də, sağlamlığa zərər vermədən özünü istiləşdirmək üçün isti çay, o cümlədən bitki çayı və ya mövsümi giləmeyvə ilə su içməyi məsləhət görür.

Əvvəllər alimlər koronavirusun diabetin inkişafına səbəb ola biləcəyini aşkar ediblər.