"Hindustan Times" hərbi nümayəndələrə istinadən xəbər verir ki, Pakistan ordusunun atəşə tutulması nəticəsində bir hərbçi ölüb.

"Rajouri və Punç rayonları boyunca çərşənbə günü gecə saatlarında patrul xidməti həyata keçirərkən Hindistan əsgərləri Pakistan ordusunun ağır atəşinə məruz qalıb", - deyə məlumatda bildirilir.

Bildirilir ki, Hindistan qoşunları cavab atəşi açmaq məcburiyyətində qalıb. Atışma zamanı bir mülki şəxsin də yaralandığı qeyd olunur. 

Hindistan və Pakistan arasındakı münasibətlər 5 avqust 2019-cu il tarixində Yeni Delhinin Cammu və Kəşmir əyalətinin ləğvi barədə qərar elan etməsindən sonra pisləşib. Bunun üçün Hindistan Parlamenti dövlətə xüsusi status verən konstitusiyanın 370-ci maddəsini ləğv edib. Pakistan bu qərarı kəskin şəkildə qınayıb.

Britaniya Hindistandakı müsəlman bölgələri ayıraraq Pakistan dövləti qurduqdan sonra, Cammu və Kəşmir Hindistanda əksəriyyətinin müsəlman olduduğu yeganə ştatdır. orada müsəlmanlar fəallıq göstərir və Hindistan bunda Pakistanı günahlandırır. İslamabad bu iddiaları rədd edərək, Kəşmir sakinlərinin öz hüquqları üçün müstəqil mübarizə apardıqlarını söyləyir.