Britaniyalı boksçu Dillian Uayt 53 yaşında rinqə qayıtmaq qərarına gələn amerikalı həmkarı Mayk Taysonun həyatı və sağlamlığı ilə bağlı narahatlıqlarını dilə gətirib. Bu barədə "TalkSport" xəbər verir.

İdmançı Taysonun bu istəyinin axmaqcasına olduğunu deyərək, onun döyüşdə ağır yaralanacağını və ya hətta öləcəyini bildirib.

“Siz canlı əfsanəsiniz. Onunla qalın və rinqə qayıtmaq xəyallarını kənara atın. Bizim idman sahəmizdə kifayət qədər qaranlıq ləkələr və çirkab var”, - deyə Uayt söyləyib.

Mayın 28-də Tayson "All Elite Wrestling Dynamite" güləş şousunda döyüş keçirib. Amerikalı köynəyini cırıb və güləş üzrə keçmiş "World Wrestling Entertainment" çempionu Kris Jeriçoyla qarşılıqlı təhqir və baxış dueli ediblər.

25 apreldə Tayson peşəkar rinqə qayıtmaq istədiyini açıqlayıb. Keçmiş boksçunun dediyinə görə, xeyriyyə turnirləri ilə maraqlanır. Amerikalı 2005-ci ildən bəri rinqə çıxmayıb.