Xəbər Lenti

İnfoqrafika

Arxiv

Yazar

18 May

2020
12:28
İdman və fitnes zalları açılsın - Gənclər artıq çəkidən əziyyət çəkir

Nazirlər Kabineti yanında Operativ Qərargahın növbəti qərarından sonra bu gündən etibarən xüsusi karantin rejimi çərçivəsində tətbiq edilən məhdudiyyətlərin daha bir qisminin yumşaldılmasına başlanılıb.

Bununla belə xüsusi karantin rejimi müddətində ölkə üzrə bir çox məhdudiyyətlər hələ də qüvvədə qalır.

Bunların arasında idman və fitnes zalları ilə bağlı qadağanın hələ də qüvvədə saxlanılması da var. Yerli əhali iki aydan çox müddətdir fərdi və qrup halında idmanla məşğul ola bilmədiyi üçün artıq kilo almağa da başlayıb. Mövcud vəziyyətdə idman kompleksləri, zallar və fitnes mərkəzlərinin nə vaxt açılacağı ilə bağlı millət vəkili Fazil Mustafaya müraciət etdik.

Deputat açıqlamasında bildirdi ki, yaxın günlərdə idman zallarını açmaq məqsədəuyğun olardı: "Bu məsələdə Operativ Qərargahın yanaşması fərqlidir. Onların informasiyası daha çoxdur. Biz bu məsələdə müxtəlif təkliflər verə bilərik. Lakin real təhlükələr nəzərə alınmalıdır.

Amma istənilən halda idman və fitnes zallarının açılması mümkündür. Fərdi qaydada idmanla məşğul olmağın heç bir problemi ola bilməz. Digər tərəfdən təmas oyunlarında isə müəyyən qaydalar tətbiq oluna bilər. Mən özüm də etiraf edim ki, bu məsələdə əziyyət çəkirəm. Artıq iki aydır ki, futbol oynaya bilmirəm. Bu insanlara böyük bir sıxıntı verir. Həmçinin artıq çəki problemi də yaranır.

Hesab edirəm ki, Operativ Qərargah tərəfindən idman zallarının bərpa edilməsinin yolları mütləq şəkildə hazırlanmalıdır. Hər bir halda axşam istisna olmaqla, digər vaxtlarda fitnes və idman zallarının açılması məqsədəuyğun olardı".(Baku.ws)

Məqalədə : fitness 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

ADU tələbə qəbulu elan etdi

29

May
12:24
ELM / TƏHSİL
358

“UNEC-90 Kitablar arasında keçən ömür”

28

May
12:21
ELM / TƏHSİL
690
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


30-05-2020 16:38





  [email protected]

Valyuta.com

Рейтинг@Mail.ru