İngilis aviaşirkəti "Flybe" iflasın qarşısını ala bilmədi.

"FT"nin verdiyi məlumata görə, ölkə hakimiyyəti ilə bir neçə ay davam edən danışıqlardan sonra Avropanın ən böyük regional aviadaşıyıcısı 100 milyon funt sterlinqlik dövlət krediti ala bilməyib. Qəzet qeyd edir ki, koronavirusun yayılması son damla olub. Bunsuz şirkət bəzi xərcləri azaldaraq yenə də fəaliyyətini davam etdirə bilərdi, lakin hava səyahətinə tələbatın kəskin azalması bu addımı qeyri-mümkün edib.

"Flybe" səlahiyyətlilərlə danışıqlar bitdikdən sonra şirkət üçün müvəqqəti idarə heyəti təyin etdiyini təsdiqləyib. Ləğv nəticəsində şirkətdən 2 mindən çox işçi azad edilib. Bundan əlavə, İngiltərədəki bir çox regional hava yollarında problem yaranacaq.

""Flybe" tərəfindən həyata keçirilən bütün uçuşlar dərhal ləğv edildi", - deyə şirkətin açıqlamasında bildirilir.