Naməlum pilotsuz uçan aparat Avropa səmasında Rusiya Müdafiə naziri Sergey Şoyqunun təyyarəsinə yaxınlaşıb. Bu barədə "İzvestiya" agentliyi yazıb. 

Məlumatda bildirilir ki, PUA-nın yaxınlaşdığı zaman Şoyqunun təyyarəsi Kosovonun hava məkanında olub. Serbiya Hərbi Hava Qüvvələrinin bir neçə MiG-29 təyyarəsi naməlum uçan aparatı qovmaq üçün havaya qalxıb.

 Cihaz Serbiya ilə Kosovonun sərhədi boyunca uçsa da onu keçməyib.

Qeyd edək ki, PUA-nın MQ-9 Reaper və ya RQ-4 olduğu ehtimal edilir. Sözügedən cihazlar ABŞ ordusuna məxsusdur.