Hollandiya Hərbi Kəşfiyyat Xidməti 2014-cü ildə Ukraynada Malayziyaya məxsus "Boeing 777" təyyarəsini vura biləcək "Buk" tipli hava hücumundan müdafiə sistemi tapmayıb.

"Kanal 5" məlumat verir ki, kəşfiyyat araşdırmaları 11 ədəd "Buk" kompleksinin təyyarənin vurulma yerindən 66 km aralıda olduğunu göstərib.

Xatırladaq ki, sözügedən təyyarənin göyərtəsində 280 sərnişin və 15 ekipaj üzvü olub. Qəzadan sağ çıxan yox idi.

"Buk" Rusiya Federasiyası tərəfindən istehsal olunan özüyeriyən, orta mənzilli zenit-raket kompleksidir. Qanadlı raketlər, ağıllı bombalar, təyyarə, helikopter, həmçinin pilotsuz uçuş aparatı kimi hava hədəflərinə qarşı mübarizə aparmaq məqsədilə dizayn olunmuşdur. Maksimum təsir dairəsi 45 km-dir. 2016-cı ildə modernləşdirilmiş və sadəcə Rusiya ordusunda olan yeni "Buk"lar 70 km məsafəyə qədər təsirlidir.