İranın paytaxtı Tehranda bu gün cümə namazını 2012-ci ilin yanvar ayından sonra ilk dəfə Ali lider Ayətullah Xamenei qılıb. Bildirilir ki, Ayətullah Xamenei ancak önməli mesaj çatdırmaq istədiyi zaman cümnə namazına başçıq edir. 2012-ci ildə qıldırdığı cümə namazını da o, "Ərəb baharı"na həsr etmiş və xütbəsinin bir hissəsini ərəbcə etmişdi.

Ayətullah Xamenei bugünkü cümə xütbəsində bildirib ki, Amerika dövlətinin son günlər atdığı addımlar onun bir daha xislətlərini ortaya qoydu: “Son iki həftə bizim üçün macəra dolu və müstəsna  həftələr oldu.  Bu iki həftədə İran xalqı üçün  acı, şirin və ibrət götürüləsi hadisələr baş verdi.  Həmin günlər ki,  Qüds Briqadasının komandirinin tökülmüş qanına hörmət əlaməti olaraq İraqda və İranda milyonlarla insan meydanlara axışdı və dünyanın ən böyük dəfn və vida yürüşünü təşkil etdilər. 5-10 nəfər şəhidləri təhqirə cəhd edən addımlar atdılar və Amerikadan da buna dəstək göstərdilər, İran  təlxəklər yalandan və arsızcasıa deyirlər ki, İran xalqının  yanındadırlar. Sual edirəm, o 5-10 nəfərmi İran xalqını təmsil edir, yoxsa vida mərasimindəki milyonlarmı? 41 ildən sonra bu misilsiz cəmiyyəti  hansı güc  meydana gətirdi.  Bu göz yaşları,  eşq və həyacanı kim yaratdı?  Allahın gücündən başqa hansı səbəb belə bir möcüzəni göstərə bilərdi? Bu hadisələrdə Allahın gücünü görməyən və öz maddi  analizləri ilə hadisələrə yanaşan geridə qalıb.  İlahi iradə  bu xalqın qələbəsinədir.”

O daha sonra bildirib ki, general Süleymaniyə qarşı terror qorxaqcasına bir addım idi: “Bu ABŞ üçün üzüqaralıq gətirdi. Əvvəllər bu cür işi bölgədə sionist rejim edirdi. ABŞ prezidenti terror etdiyini etiraf etdi. Bundan böyük rüsvayçılıq olar? Onlara verilən cavabı isə düşündürücü idi. Bu hərbi zərbə idi, lakin bundan üstün olan hegemon ABŞ-ın heysiyyətinə vurulmuş olmasıdır." 

Tehrandakı təyyarə olayına da toxunan Ayətullah Xamenei, “təyyarənin qəzaya uğraması hadisəsi bizi kədərli etidiyi, bizi yandırdığı qədər düşmənləri də sevindirdi.  Düşmən cığallıq və aldatmaqla müzakirə edir. Müzakirə masasında əyləşən “centilmenlər” Bağdad hava limanındakı terroristlərdir”, - deyə bildirib.

“Bu günlərdə üç Avropa ölkəsi nüvə prorqamına dair məsələni Təhlükəsizlik Şurasına aparacaqlarını dedilər. Bu üç ölkə müharibə dövrdə Səddama yardım edənlərdir. Onlar göstərdilər ki, ABŞ-ın nökəridirlər”, - deyə Ali lider əlavə edib.