Ukrayna tәyyarәsinin Tehran aeroportundan qalxandan sonra vurulması barədə müzakirələr hələ də gündəmdəki yerini qoruyur. İranın İnqliab Keçişkçiləri Korpusunun Hava vә Kosmik Qüvvәlәrinin komandiri general Әmir Әli Hacızadә təyyarənin təsadüf nəticəsində vurulduğunu açıqlasa da, ətraflı məlumatın instintaq bitdikdən sonra veriləcəyini deyib. 

Təyyarənin vurulması ilə bağlı isə maraqlı iddialar səsləndirilir. 

Bildirilir ki, Ukrayna tәyyarәsinә uçuşdan qabaq keçirilәn baxış zamanı iranlı mütәxәssislәr uçuş icazәsi vermәyiblәr, çünki tәyyarәnin mühәrrikindә ciddi problem olub vә uçuş vәrәqәsini dә imzalamayıblar. Tәyyarәnin uçuş mәsuliyyәtini Ukrayna mütәxәssislәr öz üzәrlәrinә götürüblər.

Tәyyarә havaya qalxandan sonra isə onun üçün ayrılmış hava koridorundan çıxaraq Tehrana tәrәf uçmağa başlayıb. Hava koridorunu nə üçün dәyişməsi barədə isə dispetçerә heç bir mәlumat vermәyib.

Uçuş istiqamәtini dәyişәn tәyyarә isə SEPAH-ın hәrbi bazasına çox yaxınlaşıb və HHM sistemi yaxınlaşan obyekti raket kimi qәbul edib. İddia edilir ki, radar sisteminin sərnişin təyyarəsini raket kimi qəbul etməsinə səbəb təyyarənin naviqasiyasına kənardan edilən müdaxilədir. Operatorun isə yaxınlaşan obyekti tәyin etmәk üçün cәmi 10 saniyә vaxtı olub və vurmaq məcburiyyətində qalıb.

Müəmmalı məsələlərdən biri isə təyyarənin vurulma anının görüntüsünün naməlum şəxs tərəfindən mobil telefonla çəkilməsi və bu görüntünün ilk olaraq "The New York Times" tərəfindən yayımlanmasıdır..