Frensis Ford Koppolanın rejissoru olduğu “Xaç atası-2” filmində qanqster Toni Rozato rolu ilə tanınan amerikalı aktyor Deni Ayelo 86 yaşında vəfat edib. 

Life.ru-nun məlumatına görə, bu barədə “The Hollywood Reporter” aktyorun nümayəndəsi Treysi Millerə istinadla xəbər verib.

Aktyorun 4 övladı olub.

Qeyd edək ki, Daniel  Lui  Ayelo 1933-cü ildə Nyu-Yorkda anadan  olub. O, Manhettenin qərbində altı uşaqlı ailədə böyüyüb. O, əvvəlcə “Greyhound” avtobus kompaniyasında, avtovağzalda diktor, sonra nəzarətçi kimi işləyib. Bir dəfə o, təsadüfən yazıçı II Lui La Russo ilə rastlaşır. Yazıçı ondan  pyesində oynamağı xahiş edir. Daniel aktyor olmadığını desə də, La Russo “Siz hələ bunu bilmirsiz”, - deyib.

Doğurdan da 10 il keçməmiş adi fəhlənin adı kinomatoqrafiya tarixinin ən prestijli mükafatı sayılan “Oskar” üçün mübarizə aparan Denzel Vaşinqton, Marlon Brando, Den Eykrod və Martin Landau ilə bir yerdə çəkilməyə başlayır.

1990-cı ildə Ayelo “Do the Right Thing” (1989) filmində “ən yaxşı ikinci dərəcəli aktyor” adına namizəd olmuşdu. Mükafatı Vaşinqton almışdı, lakin Ayelo bundan məyus olmamışdı, çünki  adının namizəd kimi çəkilməsi onun istedadının göründüyündən xəbər verirdi.

Ayelo Jan Reno, Heri Oldman və Lyuk Bessonla birlikdə “Leon”da, Spayk Li ilə “Do the Right Thing” filmində iştirak edib, həmçinin Vudi Allen, Nikolas Keyc və Bryus Uillislə birlikdə bir sıra kinolara çəkilib.