FaktXəbər-in yerli mediaya istinadən verdiyi xəbərə görə, Pakistanın Lahor şəhərində həmkarlarını lağa qoyan bir həkimə etiraz etmək istəyən vəkillərin aksiyası, xəstəxana basqınına çevrilib.

Qarşıdurmada polis aksiya iştirakçılarına qarşı dəyənək və göz yaşardıcı qazdan istifadə edib. Vəkillər isə Pəncab Əyalətinin Rabitə Naziri Fəyyaz Coxana hücum edib.

Həkimsiz qalan xəstəxanada 3 xəstə ölüb. Qarşıdurma nəticəsində 40 vəkil nəzarətə alınıb.

Qeyd edək ki, Pəncab Kardialogiya İnstitutunda işləyən İrfan adlı həkimin internetdə vəkilləri lağa qoyan videosunu paylaşması vəkillərin etiraz aksiyası keçirməsinə səbəb olub.

Pakistan Vəkillər Kolegiyası verdiyi bəyanatda baş verən hadisəni qınadıqlarını və hücum edən şəxslərin arasında Vəkillər kollegiyasının nümayəndəlirinin olmadığını bildirib.