Xəbər Lenti

İnfoqrafika

Arxiv

Yazar

10 Dekabr

2019
08:45
Çempionlar Liqasının növbəti oyunları keçiriləcək

Bu gün UEFA Çempionlar Liqasının qrup mərhələsində sonuncu - VI turun oyunlarına start veriləcək. "Report"un məlumatına görə, ilk oyun günündə E, F, G və H qrupundakı komandalar qarşılaşacaqlar.

Turnirin son qalibi İngiltərənin "Liverpul" klubu Avstriyada "Zaltsburq"un qonağı olacaq. Mersisayd təmsilçisi heç-heçə sayəsində digər görüşün nəticəsindən asılı olmayaraq növbəti mərhələyə yüksələcək. E qrupunun digər matçında "Napoli" İtaliyada Belçika "Genk"ini qəbul edəcək. Neapol təmsilçisi qələbə təqdirində, öz taleyini həll edəcək.

F qrupunda "Borussiya" (Dortmund) Almaniyada Çexiyanın "Slaviya" (Praqa) komandası ilə üz-üzə gələcək. Digər görüşdə növbəti mərhələni öncədən təmin etmiş İspaniyanın "Barselona" klubu İtaliyada "İnter"in qonağı olacaq. "İnter" və "Borussiya"nın xalı bərabərdir və son görüşlərdə hər iki kollektiv qələbə qazansa, şəxsi oyunlardakı üstünlüyə görə İtaliya klubu 1/8 finala yüksələcək.

Nörbəti mərhələni təmin edən digər komanda Almaniya "Leyptsiq"i Fransada "Lion"la qarşılaşacaq. Portuqaliya "Benfika"sı isə Rusiyanın "Zenit" komandasını qəbul edəcək. Bu qrupda da "Zenit" və "Lion"un 7 xalı var. Hər iki komanda son görüşlərini qələbə ilə başa vursa, Sankt-Peterburq təmsilçisi şəxsi oyunlarda üstün olduğu üçün növbəti mərhələni təmin edəcək.

Nəhayət, H qrupunda İngiltərənin "Çelsi" komandası Fransa "Lill"ini qəbul edəcək. Digər görüşdə isə "Ayaks" Hollandiyada "Valensiya" ilə üz-üzə gələcək. London klubu doğma meydanda qələbə qazanaraq digər görüşün nəticəsindən asılı olmayaraq növbəti mərhələyə yüksələcək. "Ayaks"a isə heç-heçə də bəs edəcək.

Çempionlar Liqası

Qrup mərhələsi, VI tur

10 dekabr

E qrupu

21:55. "Napoli" (İtaliya) - "Genk" (Belçika)

21:55. "Zaltsburq" (Avstriya) - "Liverpul" (İngiltərə)

Xal durumu: "Liverpul" - 10, "Napoli" - 9, "Zaltsburq" - 7, "Genk" - 1.

F qrupu

24:00. "İnter" (İtaliya) - "Barselona" (İspaniya)

24:00. "Borussiya" (Dortmund, Almaniya) - "Slaviya" (Praqa, Çexiya)

Xal durumu: "Barselona" - 11, "İnter" - 7, "Borussiya" - 7, "Slaviya" - 2

G qrupu

24:00. "Lion" (Fransa) - "Leyptsiq" (Almaniya)

24:00. "Benfika" (Portuqaliya) - "Zenit" (Rusiya)

Xal durumu: "Leyptsiq" - 10, "Zenit" - 7, "Lion" - 7, "Benfika" - 4

H qrupu

24:00. "Çelsi" (İngiltərə) - "Lill" (Fransa)

24:00. "Ayaks" (Hollandiya) - "Valensiya" (İspaniya)

Xal durumu: "Ayaks" - 10, "Valensiya" - 8, "Çelsi" - 8, "Lill" - 1.

Məqalədə : Çempionlar Liqası 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
60643

Növbəti buraxılış imtahanları başlayıb

25

İyun
10:59
ELM / TƏHSİL
58391

AMB-nin valyuta məzənnələri

23

İyun
10:11
İQTİSADİYYAT
60096

Nefti qiyməti bahalaşmağa başlayıb

23

İyun
09:30
İQTİSADİYYAT
59723

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
65303

QMİ yaslarla bağlı xəbərdarlıq etdi

19

İyun
18:10
ÖLKƏ
59511

İyunun 22-də dolların manata qarşı məzənnəsi

19

İyun
17:55
İQTİSADİYYAT
59703
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-01-2021 09:30





  [email protected]

Valyuta.com

Рейтинг@Mail.ru