Avropa Polis Təşkilatı (Europol) və Belçika Federal prokurorluğunun birgə keçirdiyi əməliyyatda İŞİD terror təşkilatına aid bir çox internet hesabları məhv edilib.

FaktXəbər-in Belçika Federal prokurorluğu sözcüsü Eric Van Der Sypt-ə istinadən verdiyi xəbərə görə, İŞİD-ə aid bir çox hesab məhv edilib və təşkilata aid bir çox web sayt bağlanıb.

Şərq Flaman Polisinin apardığı istintaq çərçivəsində, İŞİD-in xəbər agentliyi "Amak" a qarşı əməliyyat keçirmək qərara alınıb. Həftəin axırında başlayan kiber hücum, bazar ertəsi səhərə qədər davam edib. 

Eric Van Der Sypt, Amak-ın əvvəlki vəziyyətinə gəlməsi üçün çox vaxt lazım olduğunu bildirib.