Xəbər Lenti

İnfoqrafika

Arxiv

Yazar

07 Oktyabr

2019
12:00
935
O direktor müəllimləri imza atmağa məcbur edirmiş

13 yaşlı Elina Hacıyevanın intihar etdiyi 162 saylı orta məktəbin keçmiş direktoru, hadisədən sonra təxminən saat yarım ərzində təcili tibbi yardım çağırmayan Sevinc Abbasova ilə bağlı daha bir ilginc məhkəmə işi var.

S.Abbasova ondan əvvəl iki il ərzində məktəbin direktoru vəzifəsini icra etmiş təlim-tərbiyə məsələləri üzrə direktor müavini Məlahət Hüseynovadan Bakı şəhər Təhsil İdarəsinə şikayətlər təşkil edib. Bu barədə məhkəmədə dindirilən müəllimlər danışıblar.

Deyiblər ki, Məlahət Hüseynova peşəkar, nizam-intizama diqqət yetirən şəxs olsa da, yeni direktor Sevinc Abbasova onunla yola getmirmiş. Ona görə də müəllimləri məcbur edirmiş ki, müdir müavinindən Bakı şəhər Təhsil İdarəsinə ondan kollektiv şikayət yazıb imzalasınlar. Özü də Məlahət Hüseynovanın guya işə gəlməməsi barədə aktlar tərtib edib, müəllimlərə təzyiq altında həmin aktları imzalatdırırmış.

Onun bu addımlarından sonra Bakı şəhər Təhsil İdarəsi 2017-ci ilin fevralında məktəbdə yoxlama keçirib, ardınca Məlahət Hüseynova Əmək Məcəlləsinin 70ç bəndi ilə işdən azad edilib.

Ardınca Məlahət Hüseynova işəbərpa və kompensasiya tələbilə məhkəməyə müraciət edib. Müəllimlərin bir neçəsi də gəlib onun məhkəməsində direktorun sözügedən hərəkətləri barədə izahatlar veriblər.

Məhkəmə Məlahət Hüseynovanın işə bərpası barədə qərar çıxarıb – Bakı şəhər Təhsil İdarəsinin onunla müqaviləyə xitam verilməsi barədə 19 sentyabr 2017-ci il tarixli əmri ləğv olunub. Lakin maddi və mənəvi ziyana görə kompensasiya məsələsində Məlahət Hüseynovanın istəyi təmin edilməyib.

Elina Hacıyeva bu il aprelin 4-də özünü məktəbin 3-cü mərtəbəsindən ataraq intihar edib. O, hadisədən sonra 84 dəqiqə ərzində direktorun otağında saxlanılıb, təcili yardım çağrılmayıb. 13 yaşlı məktəbli aprelin 6-da vəfat edib.

Daha sonra məktəbin direktoru bu addımına görə Cinayət Məcəlləsinin 143 (təhlükədə qoyma) və 314.2-ci (səhlənkarlıq-ehtiyatsızlıqdan zərərçəkmiş şəxsin ölümünə səbəb olduqda) maddələri ilə məsuliyyətə cəlb olunan Sevinc Abbasova ev dustaqlığındadır. Hazırda onun məhkəməsi davam edir./Bizimyol

Məqalədə : Elina Hacıyeva 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Pakistan prezidenti Bakıya səfər edəcək

21

Oktyabr
19:58
SİYASƏT
26

Hansı oyun, hansı kanalda?

21

Oktyabr
15:58
İDMAN
55

Mingəçevirdə yeni doğulan körpə ölüb

21

Oktyabr
15:18
HÜQUQ,HADİSƏ
45

Yol vergisindən toplanacaq vəsait artacaq

21

Oktyabr
14:20
NƏQLİYYAT
57

Sabahın hava proqnozu açıqlanıb

21

Oktyabr
14:17
ÖLKƏ
52
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-10-2019 00:59



  (+994 55) 786-96-84

  [email protected]

Valyuta.com

Рейтинг@Mail.ru