Moskvada, İŞİD terror təşkilatınin maliyyələşdirilməsinə dair cinayət işində 9 müttəhim ittiham olunur. FaktXeber.com-un verdiyi məlumata görə, bu barədə Life xəbər verib.

Müstəntiqlərin dediyinə görə, müttəhimlərdən biri Misirdə olarkən qadağan olunmuş terror təşkilatı sıralarına qoşulub. 2015-ci ildə Rusiyaya qayıdaraq aktiv iştirakçılara maddi yardım göstərmək istəyən insanları axtarmağa başlayıb... Telefon tətbiqlərindən birində, qadağan edilmiş terror təşkilatını maliyyələşdirməyə razı olan insanların toplaşdığı qrup yaradıb.

Qeyd olunur ki, ümumilikdə qrupda 30-a yaxın iştirakçı olub. Təşkilatçı hər biri ilə şəxsən söhbət edib, "müraciət edənlər" Kokoşkino kəndinə gedərək, orada terrorçulara beyət ediblər.

Alınan bütün pullar təşkilatçıların bank kartlarına keçirilib, bundan sonra onlar birbaşa hərbi əməliyyatların iştirakçılarının hesablarına köçürülüb.

Həbs olunanların 9-u artıq etiraf edib.