Rusiyanın insanabənzər "Fedor" robotu Beynəlxalq Kosmik Stansiyadan qayıtdıqdan sonra eniş vasitəsindən necə çıxarıldığı barədə video yayımlaybı.

FaktXeber.com-un verdiyi məlumata görə, müvafiq video Twitterdə yerləşdirilib.

Я вернулся в город Королёв вместе со спускаемым аппаратом. pic.twitter.com/V1nKFBYqgt

— FEDOR (@FEDOR37516789) September 10, 2019

"Mən eniş aparatı ilə Korolev şəhərinə qayıtdım", deyə onun səhifəsində qeyd edilib.

Рад встрече со специалистами нашей легендарной космической фирмы.
Теперь я в кофре. Жду указаний по дальнейшим проверкам по итогам полёта. pic.twitter.com/vgOCFiwd60

— FEDOR (@FEDOR37516789) September 10, 2019

"Soyuz MS-14" gəmisi avqustun 22-də Bakı vaxtı ilə saat 7:38-də (Moskva vaxtı ilə saat 6:38-də) Qazaxıstanda yerləşən Baykonur kosmodromundan kosmosa buraxılıb. Kosmik gəmi göyərtəsində "Fyodor" robotunu daşıyır. Raketin səmaya qalxması anında "Fyodor" ilk kosmonavt Yuri Qaqarin kimi "Getdik! Getdik!" sözlərini deyib.

Kosmik gəmi buraxıldıqdan iki sutka sonra, yəni avqustun 24-də Bakı vaxtı ilə saat 9:30-da (Moskva vaxtı ilə saat 8:30-da) Beynəlxalq Kosmik Stansiya ilə birləşməli idi, lakin müəyyən problemlər səbəbindən bunu təyin olunmuş vaxtda etmək mümkün olmayıb.

Avqustun 27-də 2-ci cəhddən sonra "Soyuz MS-14" kosmik gəmisi Beynəlxalq Kosmik Stansiyaya uğurla birləşə bilib.

Qeyd edək ki, "Fyodor" (FEDOR - Final Experimental Demonstration Object Research) "Android Texnikası" və Perspektiv Araşdırmalar Fondu tərəfindən yaradılıb. Onun yaradılmasına 300 milyon rubl (təxminən 7,8 milyon manat) xərclənib.