Gürcüstan prezidenti Salome Zurabişvili 2008-ci ildə baş verən Cənub Osetiya döyüşündən sonra 26 avqustda Gürcüstandan birtərəfli müstəqilliyini elan edən Abxaziya və Cənubi Osetiya regionlarının Rusiya Federasiyası tərəfindən müstəqil dövlətlər kimi tanımasının 11-ci ildönümünə dair yazılı bəyanat verib.

FaktXəbər-ib məlumatına görə, o, "nə Gürcüstanın, nə də müttəfiqlərinin ölkəsinin parçalanmasına imkan verməyəcəyini vurğulayan Zurabişvili, "bu gün ruslaçma siyasəti səbəbilə abxaz və osetinlərin dil və kimlikləri təhdid altındadır. Müştərək tariximiz isə gürcülər olmadan abxaz və osetinlərin milli kimliyinin xilas edilməsinin mümkün olmayacağını göstərir", - deyə bildirib.

Açıqlamasının davamında Zurabişvili deyib:

"Abxaziya ilə Cənubi Osetiyanın Gürcüstanın birləşmiş dövlət sahəsinə sülh yolu ilə qayıdacağı zamanın gələcəyinə inanıram. Bunun (Gürcüstanın birləşməsinin) yaxın gələcəkdə, prezident olduğum müddətdə reallaşması ən böyük arzumdur, bunun üçün əlimdən gələni edəcəyəm".

Zurabişvili ehtimal olunan birləşmə nəticəsində Abxaziya və Cənubi Osetiyada yaşayanların Gürcüstanın digər bölgələrində yaşayanlarla eyni hüquqlara sahib olacağı da vurğulayıb.