Xəbər Lenti

İnfoqrafika

Arxiv

Yazar

26 Avqust

2019
12:12
Sinoptiklərimiz daha dəqiq proqnoz verə biləcək

Azərbaycanda doppler radar müşahidə sisteminin tətbiqinə başlanılır.

Bunu ABŞ-ın “Baron” şirkətinin Azərbaycanda “Vahid milli hidrometeoroloji sistemin yaradılması” proqramı çərçivəsində quraşdıracağı Hava Radar Sisteminin təqdimatı zamanı Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva bildirib.

Onun sözlərinə görə, bu sistemin tətbiqi Milli Hidrometeorologiya Xidmətinin işini asanlaşdıracaq:

"Doppler radar sistemi dünyada geniş istifadə olunur. Bu avadanlıqlar iqlim dəyişiklikləri ilə bağlı təhlükəli hadisələrə daha hazır olmaq imkanı yaradır və texniki imkanlarımız bununla güclənir. Belə bir sistemin alternativi yoxdur.

Qısamüddətli proqnozların dəqiqliyini artırmaq imkanı verəcək bu sistem sayəsində 2-4 saat əvvəldən qısamüddətli xəbərdarlıqların konkret ərazilər üzrə lokallaşdırılmış daha dəqiq verilməsini təmin edir. İndiyə qədər verilən xəbərlər bütün respublikanı əhatə edirdi. Amma indi dəqiqliklə deyə biləcəyik ki, regionlar üzrə hansı proseslər qeydə alınacaq".

U.Tağıyeva qeyd edib ki, doppler radar sistemi ilk olaraq Şamaxı və Göygöldə quraşdırılacaq:

"Bu sistemin əhatə radiusu 250 kilometri əhatə edir. Yəni dəqiqliyi təmin etmək üçün iki doppler radar kifayət deyil. Daha sonra bu sistem respublikanın beş regionunda quraşdırılacaq. Bütün bu işlər dövlət investisiyası ilə reallaşır".

"Baron" şirkətinin nümayəndəsi Brian Bellev isə bildirib ki, bu sistem meteoroloji prosesləri və bulud sistemlərini 3D formatında vizuallaşdırmağa imkan verir:

"Digər sistemlər buna imkan vermir. Biz dünyada ən qabaqcıl radar sistemini istehsal edirik. Doppler radar sistemlərimizlə ölkədə bütün hidrometeoroloji müşahidə sistemi vahid şəbəkədə birləşdirmək imkanı yaradırıq".

O deyib ki, bu sistem vasitəsilə iki saat qabaqcadan yağıntının, dolunun neçə milli metr düşməsi ehtimalını təxmin etmək olacaq. 

Qeyd edək ki, "Baron" radarları fasiləsiz avtomatlaşdırılmış, uzaqdan izləmə rejimində və 24 saat müddətində fəaliyyət göstərəcək.(oxu.az)

Məqalədə : Sinoptiklər 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
43910

Növbəti buraxılış imtahanları başlayıb

25

İyun
10:59
ELM / TƏHSİL
42195

AMB-nin valyuta məzənnələri

23

İyun
10:11
İQTİSADİYYAT
43857

Nefti qiyməti bahalaşmağa başlayıb

23

İyun
09:30
İQTİSADİYYAT
43284

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
48833

QMİ yaslarla bağlı xəbərdarlıq etdi

19

İyun
18:10
ÖLKƏ
43236

İyunun 22-də dolların manata qarşı məzənnəsi

19

İyun
17:55
İQTİSADİYYAT
43661
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


01-10-2020 10:52





  [email protected]

Valyuta.com

Рейтинг@Mail.ru