Avropa Birliyində ABŞ mallarının idxalına gömrük rüsumlarının birtərəfli tətbiq edilməsini nəzərdə tutan iqtisadi plan hazırlanıb. FaktXeber.com-un məlumatına görə, bu barədə "Politico" qəzeti nəşriyyatın sərəncamında olan 173 səhifəlik sənədə istinadla xəbər yayıb. 

Bundan əlavə, plan Avropa texnoloji şirkətlərinin inkişafını əhatə edir.

Bildirilir ki, proqramın məqsədi Amerika dövlət başçısının siyasətlərinə, eləcə də Amerika texnologiya nəhəngləri Google, Apple, Amazon, Microsoft və Facebook-a qarşı çıxmaqdır.

Plana əsasən Avropa Komissiyasının prezidenti Ursula von der Layen tərəfindən Avropanın perspektivli şirkətlərinin qiymətli kağızlarına yüz milyard dollardan çox sərmayə qoyulacaq Gələcəyin Avropa Fondu yaradılacaq.  Proqram müəllifləri hesab edirlər ki, bu, Amerika və Çin texnologiya nəhəngləri ilə rəqabətə kömək edəcəkdir.