İsrailin ictimai təhlükəsizlik naziri Gilad Erdan Fələstindəki Qüds kompleksində yerləşən Əl-Əqsa məscidinin dini əhəmiyyət daşımadığını iddia edən Səudiyyə yazıçısının tvit statusunu paylaşıb. Bu barədə "Yerusəlim Post" yazıb.

FaktXəbər-in məlumatına görə, "Buradan, durduğum yerdən, Səudiyyə Ərəbistanından başqa heç bir müqəddəs torpaq yoxdur və Məkkə və Mədinədəki məscidlərdən başqa heç bir məscid müqəddəs deyil", - deyə çərşənbə günü Dr.Kasab Aletibi öz tvitter hesabında yazıb.

Aletibi vəhhabilik radikal ideologiyalarına əsaslanan Səudiyyə alimlərinin əqidəsinə istinad edərək bildirir ki, İslam öz tarixi ərzində ona təqdim etdiyi ünsürlərdən təmizlənməlidir.

"Ona (Əl-Əqsaya) verilən müqəddəslik, Allahın evləri kimidir, bizim məhəllədə yerləşən məscid kimi", - deyə səudiyyəli yazıçı bildirir.

Qeyd edək ki, yazıçının bu sözlərinə baxmayaraq, Əl-Əqsa məscidi və onun yerləşdiyi yer İslam, Yəhudilik və Xristianlığın davamçıları üçün müqəddəs məkan sayılır.

Müsəlmanlar Qüds kompleksinə və Əl-Əqsa məscidinə Məkkədəki Kəbə evi və Mədinədəki Peyğəmbər məscidindən sonra üçüncü müqəddəs məkan kimi baxırlar.

Dünyadakı bütün müsəlmanlar namaz qılarkən Kəbə evinə çevirirlər və imkanları varsa, həyatlarında ən azı bir dəfə bu ziyarətə getmək onlara vacib bilinir. Dindar yəhudilər isə Əqsa məscidinin də olduğu Qüdsdəki kompleksin qarşısında dayanırlar.