Lüksemburq sakinləri orta əmək haqqlarına görə 2,9 min litr 95 markalı benzin ala bilir. FaktXəbər "RİA Novosti"nin araşdırmasına istinadən bildirir ki, bu, Avropada ən yüksək göstəricidir.

Lüksenburqda mühərrik yanacağının qiymətləri aşağı, orta əmək haqqı isə Avropada ən yüksəkdir.

Benzin alınmasına görə ikinci yerdə Norveç qərarlaşır. Bu ölkənin sakinləri orta maaşla 2,2 min litr benzin alırlar. Norveçdə yanacağın qiymətləri yüksək olsa da, əmək haqqı aşağı deyil.

Reytinqin ilk beşliyinə həmçinin Avstriya, İrlandiya və Böyük Britaniya daxildir. Bu ölkələrin sakinləri 1,9 min litr benzin almağı bacarır.

Qeyd edək ki, Azərbaycanda orta aylıq əməkhaqqına düşən 95 markalı benzin 540 AZN təşkil edir. Azərbaycanla qonşu Rusiyada orta məvacib alan şəxslər 927 litr benzin alır. 

Ən ucuz benzin qiyməti reytinqdə iştirak edən ölkələrdən Qazaxıstanda qeydə alınıb. Bu ölkədə 95 markalı benzinin qiyməti 0.74 AZN təşkil edir. Niderland isə reytinqdə yanacağın ən baha (3.18 AZN) satıldığı ölkə adını qazanıb.