İraq ordusuna bağlı Səlahəddin Əməliyyatları Komandanlığından kapitan Saad Məhəmməd mediaya açıqlamasında, İŞİD terrorçularının Süleymaniyyə şəhərindəki neft quyularına yüngül silahlarla hücum etdiyini söyləyib.

FaktXəbər-in bildirdiyinə görə, Acil və Allas neft quyularına hücum edən terrorçuların enerji sahələrinə girişinə polislər mane olub.

Regionda təhlükəsizlik tədbirlərinin artırıldığı, hücum zamanı təhlükəsizlik əməkdaşlarından ölən, ya da yaralanan olmadığı qeyd olunub.

İŞİD-in ölkədə məğlubiyyətə uğradıldığının açıqlandığı 2017-ci ilin dekabr ayından bu yana ilk dəfə belə bir hücum təşkil etməsi diqqəti çəkib.

İraqın qərbindəki Ənbar şəhərində İŞİD-ə aid iki mərkəzin hava hücumuyla vurulduğu bildirilib.

7-ci Diviziyada xidmət göstərən hərbi qulluqçu Məcid əl-Yasiri hava hücumunda 4 terrorçunun öldürüldüyünü deyib.

İraq hökuməti 2017-ci ilin dekabr ayında ölkə ərazisinin İŞİD-dən geri alındığını bildirməsinə baxmayaraq, hərbi rəsmilər təşkilata bağlı ölü hücrələrin olduğunu və ayrı-ayrı hücumlar təşkil etməyə davam etdiklərini bildirir.