Xəbər Lenti

İnfoqrafika

Arxiv

Yazar

12 İyun

2019
11:32
1275
Batumidə məscidin inşası ilə bağlı məhkəmə təxirə salınıb

Gürcüstanın Batumi şəhərində ikinci məscidin inşası məsələsi ilə bağlı dördüncü məhkəmə iclası keçirilib.

Hakim Cumber Becanidze Batumi meriyasının nümayəndəsinə məscidlə bağlı məsələnin müzakirəsi üçün bu gün müsəlman icması ilə görüşməyi təklif edib.

O bildirib ki, məhkəmənin bir neçə dəfə təxirə salınmasının səbəbi meriya və müsəlman icması arasında danışıqların baş tutmamasıdır.

Meriyanın vəkili Vaxtanq Gedenidze şəhər rəhbərliyinin müsəlman icması ilə danışıqlara hazır olduğunu deyib.

Gürcüstanın Müsəlmanlar Birliyinin sədri Tariel Nakaidze isə, öz növbəsində,meriyanınməscidlə bağlı məsələdə mövqeyinin çox zəif olduğunu bildirib: “Şəhər rəhbərliyinin bu problemin həlli üçün siyasi iradəsi yoxdur. Buna görə də proses uzanır”.

Məhkəmə prosesində fasilə elan olunub. İclasın günün ikinci yarısında davam etdiriləcəyi gözlənilir.

Qeyd edək ki, Batumidə yeni məscidin inşası ilə bağlı məhkəmə prosesi 2017-ci ildən davam edir. Son məhkəmə iclası mayın 22-də keçirilib.

Batumidə yeni məscidin tikintisi ilə bağlı mübahisə 2013-cü ildən etibarən davam edir. Şəhərdə fəaliyyət göstərən yeganə məscid müsəlmanlara kifayət etmir. Belə ki, onların əksəriyyəti dini ibadətlərini məscidə yaxın küçədə yerinə yetirir.

2017-ci ildə şəhərin müsəlman icması məscid üçün 3 min kvadrat metr sahəyə malik torpaq sahəsi əldə edib. Lakin Batumi meriyası həmin ərazidə tikililərin sıx olduğunu əsas gətirərək məscidin inşasına icazə verməyib. 

Məqalədə : Batumi məscid inşası 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Magistraturaya müsabiqənin nəticələri elan edilib

19

İyun
20:04
ELM / TƏHSİL
1767

Azərbaycan əhalisinin sayı açıqlanıb

19

İyun
18:32
ÖLKƏ
2075

Baş Polis İdarəsinin əməkdaşı özünü asdı

19

İyun
16:08
HÜQUQ,HADİSƏ
225
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-06-2019 07:37



  (+994 55) 786-96-84

  [email protected]

Valyuta.com

Рейтинг@Mail.ru