Xəbər Lenti

İnfoqrafika

Arxiv

Yazar

11 İyun

2019
13:54
1711
ABŞ-ın `iranlı aktivist` kimi tanıtdığı jurnalist SAXTA çıxdı

ABŞ-ın İranlı aktivist kimi tanıtdığı və bəzi məşhur nəşrlərdə yazıları yayımlanan "Heşmat Ələvi" fake bir xaraktermiş. FaktXeber.com-un verdiyi məlumata görə, bu barədə The Intercept məlumat yayıb.

Bildirilir ki, "aktivist" kimi Forbes, The Hill, The Daily Caller, Səudiyyə Ərəbistanının "Əl-Arabiya" (ingilis bölməsində) rəsmi Tehrana qarşı məqalələr yazan "Heşmat Ələvi" əslində jurnalist deyilmiş və profil iranlı müxalif Mücahidin əl-Halk (MEK) qrupu tərəfindən yönəldilirmiş.

Qeyd edilir ki, bu "aktivistin" sadəcə "Forbes" jurnalında 1 il içində 61 məqaləsi çap olunub və mövzular da əsasən Vaşinqtonun İranda hakimiyyət dəyişikliyinə təşviq ilə bağlı olub. Bundan başqa MEK-in məqalələrində hökumətdə nəzarəti özlərinə və qrup liderləri Məryəm Ravagiyə təslim edilməsi barədə istəkləri də diqqət çəkib.

Nəşrin MEK-dəki bir üzvə istinadla yayımladığı məlumatına görə, rəsmi Vaşinqton İranla nüvə sazişindən çıxmasına səbəb kimi bu məqalələri dəlil olaraq istifadə edib. Belə ki, “Washington Post”-un sualını cavablandırarkən, ABŞ prezidenti sözügedən "aktivistin" məqalələrindəki "İranla nüvə sazişinin Tehranın hərbi büdcəsini artırdığı" iddiasını əsas gətirmişdi.

Nəşr bildirir ki, İran hökumətini devirmək və siyasi bir güc əldə etmək üçün lobbiçilik fəaliyyəti apararaq məqalələr yayımlayan MEK 2012-ci ilə kimi ABŞ Dövlət Departamenti tərəfindən terror təşkilatı kimi tanınırdı. 

Məqalələrdən əlavə sosial mediada, xüsusən “Tvitter” və “Facebook”da fəallıq edən qrup çoxsaylı izləyiciləri ilə İran hökumətinə qarşı paylaşımlar edirdi. 

Qeyd edək ki, “The Intercept”də yayımlanan məqalədən sonra Tvitterdə “Heşmat Ələvi” profili bağlanıb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Baş Polis İdarəsinin əməkdaşı özünü asdı

19

İyun
16:08
HÜQUQ,HADİSƏ
103

Azərbaycan iqtisadiyyatı 2,2% böyüyüb

19

İyun
15:35
İQTİSADİYYAT
49
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-06-2019 19:51



  (+994 55) 786-96-84

  [email protected]

Valyuta.com

Рейтинг@Mail.ru