"Qələm" Yazarlar Birliyinin Ramazan ayının son cüməsi - Beynəlxalq Qüds Günü ilə əlaqədar elan etdiyi məqalə müsabiqəsi yekunlaşıb. FaktXəbər bildirir ki, bu məqsədlə bu gün BMM-nin Dəyirmi zalında tədbir keçirilib və qaliblər mükafatlandırııb. 

Tədbir zamanı ilk olaraq "Qələm" Yazarlar Birliyinin sədri Qurban Cəbrayıl çıxış edib və Qüds günün müahiyyəti, işğal altında olan müsəlman torpaqları, o cümlədən Dağlıq Qarabağdan danışıb. 

Daha sonra Azərbaycan İslam Partiyasının sədr əvəzi İlham Əliyevə söz verilib və o, Qüds günün dünya müsəlmanları üçün böyük əhəmiyyət kəsb etdiyini vurğulayıb: "Qüdsün işğalı 71 ildir davam edir. ABŞ və İsrail uzun illərdir ki, Qüdsü müsəlmanların zehnlərinlərin çıxarmaq istəyir. Bu günə qədər sülh niqabı altında cəmiyyətə xidmət etmək istədiklərini göstərsələr də, istəklərinə nail olmayıblar. Bütün siyasi yollar və hiylələr iman əhlini yolundan azdırmayıb. Bu gün Tramp keçmişin hiylə və riyakarlıqlarından fərqli olaraq açıq aşkarda yumruq göstərmək və güc nümayiş etdirməklə Qüdsü özlərinə qazanadırmaq istəyir. Təbii ki, onlar müvəffəq olmayacaq. Bunun üçün iman əhi vəhdət nümayiş etdirərək birgə səyini ortaya qoymalıdır".

Daha sonra çıxış üçün söz DEVAMM sədri İlqar İbrahimoğluya verilib. O, Qüds gününün elan olunmasını İmam Xomeyninin göstərişi ilə relallaşdığını və bunun əsas məqsədinin müsəlmanlara ictimai məsulliyyət vermək olduğunu qeyd edib: "Qüds günü Fələstin günü olmaqla yanaşı, Qarabağ günüdür. Ölkəmizdə hər bir insan bu günün əhmiyyətini dərk etməlidir".

Tədbirdə həmçinin Qarabağ Azad Təşkilatının sədri Akif Nağı, Azərbaycan Ziyalılar Birliyinin sədri Eldəniz Quliyev, Qarabağ Uğrunda İslami Müqavimət Hərəkatının sədri Rövşən Əhmədli, Ağ Partiyanın sədri Tural Abbaslı, politoloq Hacığa Nuri və başqaları iştirak ediblər. 

Sonda münsiflər heyəti tərəfindən məqalə müsabiqəsində I, II, III və həvəsləndirici yerlər üzrə müəyyənləşdirilən qaliblərə pul mükafatı və qiymətli hədiyyələr verilib.