Türkiyəyə investisiya yatırmağa qarşı çıxan Səudiyyə Ərəbistanı rəhbərliyi Ankara ilə düşmən siyasətini davam etdirir. FaktXəbər bildirir ki, bu barədə "haber7" portalı yazıb.

Məlumata görə, Türkiyə iqtisadiyyatında sabitlik yaranmasını istəməyən rəsmi ər-Riyad ötən gün investisiyaların dayandırılması istiqamətində çağırış edib.

"Türkiyəyə sərmayə yatırmayın",-deyə Riyad Ticarət və Sənaye Palatasıının rəhbəri Ajlan əl-Ajlan səudiyyəli investorlara müraciət ünvanlayıb.

Əl-Ajlan bu günlərdə Türkiyə ilə bağlı yeni müraciət edib. O, Səudiyyə Ərəbistanından Türkiyəyə gedən turistlərin təhqirə və təcavüzə məruz qaldığını iddia edərək, turistləri qardaş ölkə olaraq Misir və BƏƏ-yə getmələrini tövsiyyə edib.