Xəbər Lenti

İnfoqrafika

Arxiv

Yazar

21 May

2019
14:42
400
Səfir: `Azərbaycanda yaşamaq və işləmək olduqca rahatdır`

Rusiyanın Azərbaycandakı səfiri Mixail Boçarnikov Teleradio Akademiyasının qonağı olub.

Rektor Faiq Hüsiyev rusiyalı diplomatı salamlayaraq, Teleradio Akademiyasının fəaliyyəti barəqə qısa məlumat verib. O, bildirib ki, Akademiyada dərslərlə yanaşı, müxtəlif qurumların nümayəndərinin, tanınmış şəxslərin mühazirələri də təşkil olunur və  belə mühazirələr  gələcəyin aparıcıları, müxbirləri və rejissorları üçün faydalıdır.

İyunun 10-da Azərbaycanda səfir kimi çalışmasının 1 ilinin tamam olacağına diqqəti cəlb edən M.Boçarnikov Teleradio Akademiyasına dəvətdən məmnun olduğunu bildirib. O, Rusiya və Azərbaycan arasında ikitərəfli münasibətlərin yüksəlişdə olduğunu deyib, siyasi, idisadi və humanitar əlaqələrin dinamik inkişaf etdiyini, hər iki dövlətin müxtəlif mötəbər tədbirlərdə bir-birlərinin mövqelərini dəstəklədiklərindən razılıq ifadə edib. Səfir ölkələrimiz arasında iqtisadi və ticari layihələrin daha çox olmasını, mədəniyyət və incəsənət sahəsində daha geniş əlaqələrin yaranmasını arzuladığını vurğulayıb.

Akademiya dinləyicilərinin  suallarına cavab verərkən, M.Boçarnikov Azərbaycanı “bölgənin mühüm dövləti” adlandırıb: “Azərbaycan gözəl ölkədir. Burada yaşamaq və işləmək olduqca rahat və maraqlıdır.  Azərbaycanın tarixini oxuyuram, mədəniyyət və incəsənəti ilə maraqlanıram. Bakıda yaxşı dostlar tapmışam”.

O, bildirib ki, humanitar sahədə əlaqələrin çox olması xalqlar arasında qarşılıqlı anlaşmanın daha tez əldə olunmasına gətirib çıxarır: “Bakıda tez-tez teatrlara gedirəm. S.Vurğun adına Rus Dram Teatrının tamaşalarına baxıram. Opera və Balet Teatrının da tamaşalarını izləyirəm. Amma çox istərdim ki, Üzeyir Hacıbəyovun “Leyli və Məcnun” tamaşasına baxım. Dövlət Filarmoniyasında klassik musiqini izləyirəm”.

Səfir qeyd edib ki, vaxtaşırı AzTV-yə baxır: “Əsasən xəbərlər proqramını AzTV-də  izləyirəm”.

M.Boçarnikov Azərbaycan diplomatiyasını yüksək qiymətləndirdiyini deyib: “Azərbaycan diplomatiyası özünə güvənir. Xarici siyasət idarəsinə rəhbərlik edən şəxslər öz işlərinin mütəxəssisləridirlər”.

Səfir Azərbaycan Teleradio Akademiyasının dinləyicilərinə diplomatlar kimi hərtərəfli biliyə sahib olmağı arzulayıb.

Sonda rusiyalı səfirlə şəkil çəkdirilib və xatirə hədiyyələri təqdim olunub. (modern.az)

Məqalədə : Mixail Boçarnikov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Günün qarşılaşmaları TV AFİŞA

19

Avqust
16:31
İDMAN
806

Vilayət Eyvazov yeni polis rəisi təyin edib

19

Avqust
16:23
HÜQUQ,HADİSƏ
37

Azərbaycanda nə qədər pensiyaçı var?

19

Avqust
15:07
ÖLKƏ
150

Sabah Bakıda 37 dərəcə isti olacaq

19

Avqust
12:34
ÖLKƏ
100
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-08-2019 18:00



  (+994 55) 786-96-84

  [email protected]

Valyuta.com

Рейтинг@Mail.ru