Rusiya prezidenti Vladimir Putin ABŞ və bəzi Avropa ölkələrinin yaratdığı maneələrə rəğmən tikintisi davam edən "Şimal Axını 2" qaz kəməri layihəsi barədə danışarkən türkləri ağız dolusu tərifləyib. FaktXəbər bildirir ki, bu barədə o, Soçidə Avstriya prezidenti Aleksandr Van der Bellenlə görüşdən sonra təşkil edilən mətbuat konfransında danışıb.

"Türklərlə işləmək, avropalılarla işləməkdən daha asandır. Çünki (Türkiyə prezidenti Rəcəb Tayyib) Ərdoğan qərar qəbul edir və bunu icra edir. Avropaya gəlincə isə 27 ölkənin öz aralarında razılığa gəlməsi lazım olur. İllərdir eyni saqqızı çeynəyirik, amma ortada heç nə yoxdur. Bu çox üzücüdür. Əgər öz adımızdan danışırıqsa, biz bu layihəni (Şimali Axını 2) həyata keçirməyə hazırıq və layihə məntiqlə tələb olunduğu kimi başa çatacaq. Əlbəttə ki, bu layihə bütün Avropanın iqtisadi maraqlarına uyğundur",-deyə Putin əlavə edib.