Xəbər Lenti

İnfoqrafika

Arxiv

Yazar

16 May

2019
14:30
553
Emin Milli kimi satıb axı?! - Natiq Cəfərli

Emin Millinin son sözlərində təzadlar, boşluqlar, hətta absurd məqamlar var, amma adam fikir bildirib, müzakirə açıb, diskussiyaya dəvət edib, arqumentli müzakirələr əvəzinə, bağlı qapılar arxasında anlaşmış adamlar onu topa tutmaqla məşğuldurlar.

FaktXəbər bildirir ki, bunu Emin Millinin son vaxtlar verdiyi açıqlamalara münasibət bildirən politoloq Natiq Cəfərli qeyd edib.

O, Emin Millinin siyasətçi olmadığını bildirib:

“Emin Millinin siyasi ambisiyası yoxdur, seçkilərə qatılmaq istəmir, vəzifə tutmaqda marağı yoxdur, çox bacarıqlı menecerdir, son illərin ən uğurlu media layihəsinin təməlini qoydu və inkişaf etdirdi. Onun fikirlərini “satqınlıq” kimi dəyərləndirən dar düşünən kütlə var, amma izah edə bilmirlər ki, Emin kimi satıb? Ümumiyyətlə, “satqınlıq” mövzusundan çox danışanların böyük əksəriyyəti dəfələrlə alverə, anlaşmaya gedən insanlardır, özləri elədirlər deyə, başqalarına da o gözlə baxırlar.

Jurnalistika tərəfsiz olmalıdır, hökumətdə də, müxalifətdə də öz mənbələri, xəbər ala biləcək adamları olmalıdır. Hüquq müdafiəçiləri də tərəfsiz olmalı, hökumətin müxtəlif qurumları ilə işləməli, vətəndaşların pozulmuş hüquqlarının bərpası ilə bağlı real nəticələr əldə etməlidirlər. Biz siyasətçi olaraq, müxtəlif beynəlxalq tədbirlərdə torpaqlarımızı işğal edən ölkənin – Ermənistanın siyasətçiləri ilə görüşüb müzakirələr aparırıq, bu, normal təcrübədir, amma kimsə Azərbaycan hökumətinin nümayəndəsi ilə açıq şəkildə (Bir daha: Açıq şəkildə, bu günə qədər başqalarının gizli sövdələşmələrini nəzərdə tutmuram) görüşüb-danışsa, ona vedrə bağlamağa hazırıq. Bu, absurddur, nonsensdir, belə siyasət olmaz”.

Qeyd edək ki, Meydan TV-nin keçmiş rəhbəri Emin Milli müsahibəsində Azərbaycan xalqının sevgiyə ehtiyacı olduğunu, müxalifətin nifrətlə heç nəyə nail ola bilməyəcəyini söyləyib və islahatların davam edəcəyi halda hakimiyyətlə işləməyə hazır olduğunu deyib.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

"Azərsu" ASC-nin su boruları oğurlanıb

24

Avqust
14:23
ÖLKƏ
458

Günün qarşılaşmaları TV AFİŞA

24

Avqust
14:14
İDMAN
333

Hövsanda su çatışmazlığı: sakinlər etiraz edir

24

Avqust
14:10
HÜQUQ,HADİSƏ
354

Azərbaycan nefti ucuzlaşıb

24

Avqust
11:42
İQTİSADİYYAT
393

Xəzər dənizində zəlzələ olub

24

Avqust
10:33
HÜQUQ,HADİSƏ
422

Hirkan Milli Parkındakı yanğın tam söndürüldü

24

Avqust
10:10
HÜQUQ,HADİSƏ
399

Şagird sayı 20 nəfərdən az olan 290 məktəb var

23

Avqust
16:09
ELM / TƏHSİL
989

Azərbaycanın xarici dövlət borcu açıqlanıb

23

Avqust
14:39
İQTİSADİYYAT
789
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-08-2019 20:24



  (+994 55) 786-96-84

  [email protected]

Valyuta.com

Рейтинг@Mail.ru