İsrailin  fələstinli uşaqları həbs etmə müddətində ABŞ fondlarından istifadəsinə qarşı qanun layihəsi təqdim edib. FaktXeber.com-un məlumatına görə, qanun layihəsi  Minnesota  ştatının Nümayəndələr Palatasının demokratlardan olan üzvü  Betty McCollum  tərəfindən irəli sürülüb.

O, İsrail başda olmaqla, hər hansı bir ölkənin  ABŞ-dan aldığı fondları uşaqların həbsə salınmasında istifadəsinin qadağan olunması təklif edib.

Layihədə həmçinin İsrail ordusu tərəfindən həbs olunan uşaqların  fiziki və psixoloji müalicəsini və müalicə müddətini izləmək üçü Amerika, İsrail və Fələstinin mülki icmalarına ildə 19 milyon  dollar ayrılması fikri də irəli sürülüb. 

Sənəddə həmçinin fələstinli uşaqlara qarşı istintaq müddətində haqlarının pozulması və işgəncələrdən də bəhs edilib: "İordaniya çayının qərb sahilində sakin olan 2,9 milyon fələstinlinin 45 faizi  həyatı boyu İsrailin işğalı altında yaşamış 18 yaşına çatmayan uşaqlardır. 2000-ci ildən bəri 10 min fələstinli uşaq İsrailin hərbi məhkəmələrində ittiham olunub. İsrailin Konstitusiyasına görə, 12 yaşından aşağı uşaqların cəzalanması qadağan olunsa da, bundan da balaca olan minlərlə  uşaq uzun müddət həbs şəraitində sazlanılır".

McCollum qanun layihəsi ilə bağlı verdiyi açıqlamada  İsrailin uşaqları hərbi mühakimə sistemini - fələstinli uşaqları və ailələrini qorxutmaq, həmçinin terror etmək üçün layihələnmiş dövlət dəstəkli uşaq istismarı adlandırıb. O, İsrailin uşaqlara  qarşı qanun pozuntularını amerikalıların  verigiləri ilə maliyyələşdirilməsini çirkin addım adlandırıb.

Qeyd edək ki, aprelin 5-də Fələstinli Uşaqlar Günü ilə əlaqədar Fələstinli Məhbuslar Komitəsi İsrail zindanlarında saxlanılan fələstinli uşaqlarla bağlı hesabat yayıb. Sənədə əsasən hazırda İsrail həbsxanalarında 250 uşaq saxlanılır. Bu uşaqlar müxtəlif cür zorakılıq və təzyiqlərə məruz qalırlar, beynəlxalq hüquq və digər insan haqları prinsiplərilə uşaqlar üçün təsbit olunmuş hər cür hüquqlardan məhrum ediliblər.

Ümumilikdə, rejim 2000-ci ilin sentyabrında başlamış əl-Əqsa intifadasından bəri 10 minə yaxın fələstinli uşağı oğurlayıb və həbs edib. Qeyd edilir ki, yüzlərlə uşaq yetginlik yaşına həbsxanada qədəm qoyublar və onların bir çoxunun həbs müddəti qəsdən artırılıb. Bu uşaqlar əsasən İsrailin Ofer, Maciddo və Damun həbsxanalarında, bir qismi isə digər həbsxana və təcridxanalarda saxlanılır. Onların əksəriyyəti fiziki və psixoloji işgəncələrə məruz qoyulur, ən bəsit hüquqlarına belə əməl olunmur. Həbs edilmiş uşaqların əksəriyyəti gecə radələrində evlərinə edilmiş qəfil basqınlar zamanı tutulublar. Həbsxana və təcridxanalara aparılarkən döyülmə və şiddətli təzyiqlərə məruz qoyulublar.

Bu uşaqlar saxlanıldıqdan sonra dindirilmə zamanı, həmçinin ac və susuz saxlanılaraq etmədikləri əməlləri etiraf etməyə məcbur ediliblər.