Venesuela prezidenti Nikolas Maduro onu ölkəni tərk etmək istəyində təqsirləndirən ABŞ Dövlət Katibinə cavab verib.

«Mayk Pompeo  deyir ki, Maduronun qaçmaq üçün təyyarəsi hazır olub və ruslar onu ölkədən çıxmağa qoymayıb. Xahiş edirəm, cənab Pompeo, belə şeyi ciddi demək olmaz», - deyə o, bildirib.

FaktXeber.com-un Tass-a istinadla verdiyi məlumata görə, bundan əvvəl CNN-ə müsahibəsi zamanı  Pompeo  Venesuela prezidentinin  aprelin 30-da ölkəni  tərk etməyə hazır olduğunu bildirib. Onun sözlərinə görə, Maduro Kubaya getmək istəyirmiş.

BREAKING: @SecPompeo tells @wolfblitzer that Nicolas Maduro was preparing 2 leave Venezuela but was talked out of it by the Russians. Pompeo said. “He had an airplane on the tarmac, he was ready to leave this morning as we understand it and the Russians indicated he should stay

— CNN NationalSecurity (@NatSecCNN) 30 Nisan 2019

Xatırladaq ki, aprelin 30-da  Venesuela müxalifətinin lideri Xuan Quaido  «Azadlıq» əməliyyatının final mərhələsinin başlandığı barədə bəyan etmişdi. Nəticədə  Karakasda hökumət əleyhinə çıxış edən nümayişçilərlə  Venesuela  Milli Qvardiyasının əməkdaşları arasında qarşıdurma yaşanıb. Son məlumatlara görə, Venesuela paytaxtında  etiraz aksiyalarında 70-dən artıq insan yaralanıb.