Xəbər Lenti

İnfoqrafika

Arxiv

Yazar

08 Aprel

2019
14:27
659
`Qaz və işığın limitinə yenidən baxılmalıdır` - DEPUTAT

Hələlik ilin 3 ayını geridə qoymağımıza baxmayaraq, bir çox abonentlər artıq qazla bağlı tətbiq edilən 1700 kubmetrlik limiti bitirib.

Bunu sosial şəbəkələrdə aparılan müzakirələrdən və narazı rəylərdən də aydın görmək mümkündür.

Məsələ ilə bağlı Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov bildirib ki, qaz və işıq limitilə bağlı davamlı şikayətlər alır:

“Bu məsələ uzun müddətdir vətəndaşlar tərəfindən sosial şəbəkələrdə müzakirə edilir. Bununla bağlı insanları narahat edən müəyyən problemlər var. İşıq və qazın tarifləri qaldırılanda narazılıqlar nəzərə alınaraq, Prezident tərəfindən Tarif Şurasının qoyduğu limitim müddəti artırıldı. Mən rayonda vətəndaş qəbulları zamanı belə şikayətləri çox alıram. Əhali şikayət edir ki, ödəniş edə bilmirlər, borc həddindən çox yığılır. Ən çox şikayət edənlər isə pensiyaçılardır. Mən hesab edirəm ki, bu məsələyə baxılmalı və qərar verilməlidir. Bildiyiniz kimi, son vaxtlar Prezident tərəfindən əhalinin sosial müdafiəsinin yaxşılaşdırılması məqsədilə kompleks addımlar atılır. Düşünürəm ki, qaz və işığa tətbiq edilən limitə yenidən baxılması da bu sosial layihələrin tərkib hissəsi ola bilər”.

V.Əhmədovun sözlərinə görə, məsələ Tarif Şurasının səlahiyyətindədir:

“Bildiyiniz kimi, problem parlament səviyyəsində də qaldırılıb. Hələlik hökumət tərəfindən reaksiya yoxdur. Bu, əsasən Tarif Şurasının səlahiyyətində olan məsələdir. Ümid edirik ki, yaxın vaxtlarda məsələ öz həllini tapacaq. Bizi əsasən narahat edən pensiyaçılar və aztəminatlı ailələr, sosial vəziyyəti pis olanlardır. Biz demirik hamının limitini artıraq. Ən azından sosial təminatı aşağı olan ailələrin qaz və işıq limitinin artırılması məsələsinə baxılmalıdır”.

Xatırladaq ki, qaz və işıqla bağlı limit 2016-cı ildən tətbiq edilib. Aylıq elektrik enerjisi istehlakı 300 kilovat-saatadək olan istehlakçılar üçün  ödəniş 7 qəpik, aylıq istehlak həcminin 300 kilovat-saatdan çox olan hissəsi üçün isə 11 qəpik müəyyənləşdirilib.

Eləcə də təbii qazın pərakəndə satış tarifi əhali üzrə illik istehlak həcmi 1700 kubmetrədək olan istehlakçılar üçün 10 qəpik, illik istehlak həcminin 1700 kubmetrdən çox olan hissəsi üçün isə 20 qəpik müəyyən olunub.(modern.az)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan son 8 ayda 58,4 mln dollar qazanıb

18

Sentyabr
15:59
İQTİSADİYYAT
90

Əlilliyin təyin edilməsi üçün yeni model hazırlanır

18

Sentyabr
15:51
AİLƏ, SAĞLAMLIQ
94

Azərbaycanda 7 məhkəmə hakimi cəzalandırılıb

18

Sentyabr
15:47
HÜQUQ,HADİSƏ
96

Lənkəranda 2 maşın toqquşdu, ölən var

18

Sentyabr
15:44
HÜQUQ,HADİSƏ
92

Deputatların pensiyası artırılacaq

18

Sentyabr
15:27
İQTİSADİYYAT
111

Roqozin Türkiyəni Baykonura çağırdı

18

Sentyabr
15:19
DÜNYA
118

Siyasi hücumlar üçün virus aşkarlanıb

18

Sentyabr
14:57
MARAQLIDIR
121

Rusiyada terrorun qarşısı alınıb-VİDEO

18

Sentyabr
14:31
DÜNYA
229

“Azərişığ”ın maşını aşdı - Ölənlər var

18

Sentyabr
14:16
HÜQUQ,HADİSƏ
258

Sentyabrın 19-na gözlənilən hava proqnozu

18

Sentyabr
12:56
DÜNYA
244
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-09-2019 18:04



  (+994 55) 786-96-84

  [email protected]

Valyuta.com

Рейтинг@Mail.ru