Səudiyyə Ərəbistanında siyasi məhbuslar ağır işgəncələrə məruz qalır. FaktXəbər bildirir ki, bu barədə "The Guardian" qəzeti yazıb.

Nəşrin yazdığına əsasən, məhbusların səhhəti ilə bağlı kral Salman bin Əbdüləziz üçün hazırlanan tibbi hesabatlar mətbuata sızıb. Səudiyyə Ərəbistanı rəhbərliyi qadın və kişi məhbusların işgəncəyə məruz qalmasını inkar etsə də, siyasi dustaqların ciddi fiziki zorakılığa məruz qalmasını sübut edən sənədlər ortaya çıxıb.
 
Camal Qaşıqçı cinayətinin ortaya çıxmasından sonra kral Salman vəliəhd şahzadə Məhəmməd Bin Salmanın əmri ilə həbs edilən təxminən 200 məhkumun nəzarət və həbs qərarlarının yenidən nəzərdən keçirilməsi barədə göstəriş verib.
 
Məhəmməd bin Salmanın müavinlərindən olunan etirazı rədd edən Kral Məhkəməsi, bəzi məhbuslar üçün tibbi hesabatların hazırlanmasını istəyib.
 
Hesabatlarda məhbusların məruz qaldığı işgəncələrə dair bu məlumatlar öz əksini tapıb:
 
"Xəstədir, fasiləsiz qan qusduğundan ciddi cəki itirib. Həmçinin bədəninin müxtəlif yerlərinə dağılmış çox sayda yara və qançır var".
 
"Sinə və kürəyində gözlə görünə bilən yaralar var".
 
"Təcili müalicə olunmaq üçün hücrədən çıxarılıb xəstəxanaya yerəşdirilməlidir".
 
"Xəstə ayağında çoxsaylı qançırlar səbəbindən yeriməkdə çətinlik çəkir. Qolunun ön və kürəyinin aşağı hissəsində çox sayda yaralalar görünür".

"Xəstənin bədənində, xüsusən də kürək, qarın və bud nayihəsində çoxlu qançır var. Həmçinin yemək yoxluğu, üzdə solğunluq,  vücudda isə ümumi zəiflik yaradıb".

"Xəstə hər iki ayağındakı yaralar səbəbindən hərəkət edə bilmir, qida yoxluğu və maye çatışmazlığı səbəbindən orqanizmində ciddi zəiflik var".