Xəbər Lenti

İnfoqrafika

Arxiv

Yazar

15 Mart

2019
16:24
Kənd toyuğu adı ilə təqdim olunan toyuqlar kimyəvi maddə ilə saraldılır - AQTA

“İstehlakçılar ticarət şəbəkələrinin əksəriyyətində kampaniya çərçivəsində təqdim olunan məhsullara daha çox rast gəlirlər. Müştərilər həmin məhsulların qiymətinə aldanaraq alırlar. Amma keyfiyyətinə diqqət etmirlər. Bu cür kampaniyalarda təqdim olunan qida məhsullarının əksəriyyəti istehlaka yararlı deyil və istifadə müddəti bitmiş olur”.

Bu sözləri “Ticarət şəbəkələrində aparılan dövlət nəzarəti və monitorinqlər nəticəsində aşkarlanmış uyğunsuzluqlar və onların həlli yolları” mövzusunda Sumqayıtda sahibkarlarla keçirilən görüşdə Qida Təhlükəsizliyi Agentliyinin Sumqayıt regional bölməsinin sədri Zaur Kərimov deyib.

Z.Kərimov bildirib ki, kampaniya çərçivəsində təqdim olunan əsasən yağ məhsullarının keyfiyyət göstəricilərinin aşağı olduğu və bəzən də istehlak müddətinin bitdiyi aşkar olunub. Bölmə rəisi ticarət şəbəkəsi sahiblərinin istehsalçılardan aldıqları məhsullarla bağlı bir sıra məqamlara diqqət etməli olduğunu vurğulayıb. O, daha çox problemlərə ət məhsullarında rast gəlindiyini deyib: “Ticarət şəbəkələrinin sahibləri aldıqları məhsulları diqqətlə nəzərdən keçirməlidirlər. Xüsusən də ət məhsulların;. Bəzən ət məhsullarının üzərinə konservləşmə üçün möhürlər vurulur. Bu ət məhsulları istehlak üçün nəzərdə tutulmayıb”.

Z.Kərimov yoxlamalar zamanı daha dəhşətli faktların müəyyən olunduğunu diqqətə çatdırıb: “Ticarət obyektlərində kənd toyuğu adı altında məhsullar satılır. Apardığımız araşdırmalar göstərir ki, bu məhsulların çox hissəsi heç də kənd toyuqları deyil. Həmin toyuqlara ayaqqabı boyasının tərkibində olan kimyəvi maddələrdən biri vurularaq saraldılıb. Monitorinq zamanı belə bir müəssisə aşkarlanaraq fəaliyyəti dayandırılıb. Həmin müəssisə barəsində aidiyyəti qurumlar tərəfindən müvafiq addımlar da atılıb”.

Görüşdə AQTA-nın Sumqayıt regional bölməsinin rəis müavini Şəhla Yusifzadə ticarət şəbəkələrində mövcud olan problemlərin həlli yolları, Qida Təhlükəsizliyi İnstitutunun şöbə müdiri Namiq Zeynalov isə institutun fəaliyyət istiqamətlərindən söhbət açıb. Sonda sahibkarları maraqlandıran suallar cavablandırılıb.

Məqalədə : AQTA 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
16103

Növbəti buraxılış imtahanları başlayıb

25

İyun
10:59
ELM / TƏHSİL
14762

AMB-nin valyuta məzənnələri

23

İyun
10:11
İQTİSADİYYAT
16156

Nefti qiyməti bahalaşmağa başlayıb

23

İyun
09:30
İQTİSADİYYAT
15760

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
21134

QMİ yaslarla bağlı xəbərdarlıq etdi

19

İyun
18:10
ÖLKƏ
15659

İyunun 22-də dolların manata qarşı məzənnəsi

19

İyun
17:55
İQTİSADİYYAT
15780
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


09-08-2020 08:44





  [email protected]

Valyuta.com

Рейтинг@Mail.ru