Xəbər Lenti

İnfoqrafika

Arxiv

Yazar

13 Mart

2019
15:23
1670
Azərbaycanda autizmlə bağlı dövlət reablitasiya mərkəzi yoxdur - Deputat

“Azərbaycanda 6 minə qədər autizmli uşaq var. Bu uşaqlar təhsildən kənarda qalıb, Onların inklüziv təhsilə cəlb olunmaları ilə bağlı da problemlər var”.

Bunu Milli Məclisin Elm və təhsil komitəsinin bu gün keçirilən iclasında “Ümumi təhsil haqqında” qanun layihəsinin müzakirəsi zamanı deputat Sona Əliyeva deyib.

Bu xəstəliyin ağırlıq dərəcəsindən danışan deputat vurğulayıb ki, autizmli uşaqlarla bağlı ciddi narahatlıq var: “Hər bir uşaq inklüziv təhsilə cəlb oluna bilmir. Azərbaycanda inklüziv təhsillə bağlı dövlət proqramı var, 2015-ci ildə bu uşaqlarla bağlı kriteriyalar müəyyənləşib, onlar əllilik dərəcəsi alıblar. “Təhsil haqqında” qanunda autizm sözünə rast gəlinmir. Düşünürəm ki, bu məsələyə diqqət yetirmək lazımdır. Müəyyənləşməlidir ki, bu uşaqlar harada təhsil almalıdırlar. 6 min uşağın taleyi düşünmək üçün böyük həyəcan verir. Bu statistikanı Təhsil və ya Əmək və Əhalinin Sosial Müdafiəsi nazirlikləri nəzərə almalıdır. Çünki autizmli uşaqlarla bağlı ölkədə dövlət əsaslı bir reablitasiya mərkəzi belə, yoxdur. Halbuki Türkiyədə dövlət icbari şəkildə həmin uşaqlara ayda 16-18 saat dərs verir. Hesab edirəm ki, bu uşaqlar reablitasiya mərkəzlərində təhsillərini davam etdirməlidirlər. Amma bunun harada və necə həyata keçiriləcəyinin müəyyənləşdirilməsinə ehtiyac var. Çünki dünyada aparılan statistika göstərir ki, gələcək 50 ildə hər 10 uşaqdan 3-ü autizm sindormundan əziyyət çəkəcək. Bu, ölkəmiz və dünya üçün narahatedici bir məsələdir. Hazırda Amerikada hər 150 uşaqdan biri, Böyük Britaniyada isə hər 100 uşaqdan biri autimli uşaqdır”.

Komitə sədri İsa Həbibbəyli isə deyib ki, inklüziv təhsilə ehtiyacı olan 6 min uşağın heç də hamısı təhsildən qalmır.

İ.Həbibəyli qeyd edib ki, onların böyük bir hissəsi evdə təhsil alır: “Bununla belə, düşünməyə ehtiyac var”.

Məqalədə : autizm 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

ƏRBƏİN - Aşuranın 40-cı günü

18

Oktyabr
16:27
MƏNƏVİYYAT
238

Eyyyy... Növbədə nə var? - ANALİZ

18

Oktyabr
15:39
ANALİZ
275

Bakı Dövlət Sirki köçür?

18

Oktyabr
15:33
ÖLKƏ
80

Modul tipli məktəblərin sayı artırılır

18

Oktyabr
14:34
ELM / TƏHSİL
121

Hesablama Palatasına auditor təyin ediləcək

18

Oktyabr
14:30
İQTİSADİYYAT
42

Kataloniyada ümumxalq tətil başlayıb

18

Oktyabr
12:51
DÜNYA
40
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-10-2019 11:11



  (+994 55) 786-96-84

  [email protected]

Valyuta.com

Рейтинг@Mail.ru