ABŞ Xarici İşlər Nazirliyindən verilən yazılı açıqlamada, "ABŞ Qüds Baş Konsulluğu ilə ABŞ Qüds Səfirliyi bir diplomatik missiya şəkilində 4 mart 2019-cu ildə birləşdiriləcək. Bu addım, nazir Pompeonun 18 oktyabr 2018-ci ildə iki missiya ilə kollektivin birləşdirəcəyinə qarşı açıqlamasından sonra atıldı", - deyə bildirilir.

FaktXəbər-in məlumatına görə, bütün diplomatik işlərin artıq Qüdsdən icra olunacağı bildirilən açıqlamada, Qəzza və İordan çayının qərb sahilindəki işlərə isə Qüdsdəki ABŞ Səfirliyi Fələstin İşləri Məntəqəsinin məsul olacağı qeyd edilib.

Açıqlamada, sözügedən qərarın tamamilə fəallığı artırmaq üçün verildiyi və ABŞ-ın Qüdsün statusu ilə bağlı siyasətini dəyişmədiyi iddia edilib.

Xatırladaq ki, ABŞ prezidenti Donald Tramp 6 dekabr 2017-ci ildə Qüdsü İsrailin paytaxtı kimi tanımış və və ölkəsinin Təl-Əvivdəki səfirliyini Qüdsə köçürüləcəyini açıqlamışdı.

Bütün etirazlara baxmayaraq, ABŞ Təl-Əvivdəki səfirliyini mərasimlə Qüdsə köçürmüşdü.

İsrail rejiminin əsgərləri ABŞ səfirliyinin Qüdsə köçürülməsi və İsrailin yaranmasının 70-ci ilinə etiraz etmək üçün Qəzza sərhədində keçirilən aksiyalara qatılan 60 fələstinlini güllələyərək öldürüb, 2 min 770-dən çox fələstinlini yaralayıb.