Xəbər Lenti

İnfoqrafika

Arxiv

Yazar

24 Fevral

2019
12:29
Tehranda Xocalı Beynəlxalq Rəsm Sərgisi keçirilir

İranın paytaxtı Tehranda Xocalı soyqırımına həsr olunmuş Xocalı Beynəlxalq Rəsm Sərgisi keçirilir.

Bunu İranın Bəsic Mostazafin Təşkilatının beynəlxalq məsələlər üzrə sədr müavini Məhəmməd Əli Möminiha deyib.

Ə.Möminihanın sözlərinə görə, sərgi bir neçə beynəlxalq ictimai müəssisənin təklifi və təşəbbüsü, Bəsic Mostazafin Təşkilatının dəstəyi və Tehran Meriyası Mədəniyyət və İncəsənət Təşkilatının əməkdaşlığı ilə keçirilir.

Sədr müavini sərginin məqsədinin Azərbaycan xalqının dərdinə şərik çıxmaq olduğunu bildirib.

Sərgi 23-27 fevralda Tehranda Xalqlar Mədəniyyət Mərkəzində keçirilir.

1992-ci il fevralın 25-dən 26-na keçən gecə Ermənistan silahlı qüvvələri Xocalı şəhərinə hücuma keçmiş, bütün beynəlxalq hüquq, o cümlədən beynəlxalq humanitar hüquq normalarını pozaraq oraya zirehli texnika yeritmiş, şəhərin dinc əhalisinə misli görünməmiş qəddarlıqla divan tutmuşlar. Ermənistan silahlı qüvvələrinin mühasirəsində qalmış şəhər sakinlərindən 613-ü, o cümlədən 106 qadın, 63 uşaq və 70 qoca öldürülmüş, 487 dinc sakin ağır yaralanmış, 1275 nəfər isə girov götürülmüşdür.

Xocalı soyqırımını törətməklə Ermənistan Azərbaycana qarşı hərbi təcavüzün miqyasını daha da genişləndirmiş, Azərbaycanın Dağlıq Qarabağ bölgəsinin hüdudlarından kənara çıxaraq Laçın, Kəlbəcər, Ağdam, Cəbrayıl, Füzuli, Qubadlı, Zəngilan rayonlarını işğal etmişdir. Bunun nəticəsində 20 min soydaşımızın həyatına son qoyulmuş, 50 mindən çox insan yaralanmış və əlil olmuş, torpaqlarımızın 20 faizi işğala məruz qalmışdır. Dünya tarixinin ən qanlı faciələrindən biri sayılan Xocalı soyqırımı XX əsrdə erməni şovinizminin mahiyyətini aşkara çıxaran təkzibolunmaz tarixi gerçəklikdir./Trend

Məqalədə : Xocalı 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ramazan ayının 4-cü gününün duası - AUDİO

16

Aprel
20:00
MƏNƏVİYYAT
80

Azərbaycan qaz ixracını kəskin artırıb

16

Aprel
15:13
İQTİSADİYYAT
180

Azərbaycanda iqtisadi fəal əhalinin sayı artıb

16

Aprel
14:12
İQTİSADİYYAT
205

Azərbaycan nefti bahalaşıb

16

Aprel
11:31
İQTİSADİYYAT
240

Ramazan ayı özünü qaydaya salmaq ayıdır

16

Aprel
11:20
MƏNƏVİYYAT
230

DYP-dən sürücülərə MÜRACİƏT

16

Aprel
11:13
ÖLKƏ
580
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-04-2021 20:18





  [email protected]

Valyuta.com

Рейтинг@Mail.ru