Yəməndə Ənsarullah hərəkatının lideri Əbdül Əziz  Saleh bin Habtur Mərakeş rəhbərliyinə  Səudiyyə başda olmaqla koalisiya qüvvələrinin  tərkibində Yəməndə hərbi əməliyyatlarda iştirakdan imtina etdiyinə görə təşəkkürünü bildirib. FaktXeber.com-un verdiyi məlumata görə, bu barədə «Saba» xəbər verib.

Bildirilir ki, hərəkatın rəhbəri  Mərakeşin baş nazirinə məktub ünvanlayaraq  verilən qərarın  Yəmən ərazisində sülhün təmin olunmasında böyük rolu olduğunu vurğulaüyıb

Xatırladaq ki,ötən həftə  Mərakeş KİV-i Rabat-ın  Səudiyyə Ərəbistanı başda olmaqla koalisiya qüvvələrinin tərkibində əməliyyatlarda iştirak etməyi dayandırma barədə qərar aldığını yazmışdı. Bundan başqa Ər-Riyada məxsus «Əl-Ərəbiya» kanalında Mərakeşdən ayrılmaq istəyən Qərbi Saxara əraziləri barədə  sənəfdli filmin göstərilməsi ilə əlaqədar Mərakeş Səudiyyədəki səfirini konsultasiya üçün geri çağırmışdı. Qeyd edək ki , mərakeş rəhbərliyi ərəb koalisiyasında üzvlüyü dondurma qərarı barədə xəbəri rəsmi təsdiqləməmişdi.

Xatırladaq ki, Səudiyyə rejiminin birbaşa diqtəsi ilə hökumət idarə edən Yəmən prezidenti Mənsur Hadi buna etiraz edən xalqa qarşı zor tətbiq etdikdən sonra ölkə boyu kütləvi aksiyalar həyata keçirilmişdi. Xalq Mənsur Hadidən islahatlar həyata keçirməyi və Səudiyyənin tapşırıqlarının yerinə yetirməməyi tələb edirdi. Uzun müddətli aksiyalar zamanı prezidentin əmri ilə xalqa qarşı sıxılan güllə vəziyyəti bir qədər də gərginləşdirdi və Mənsur Hadi ölkədən qaçaraq Səud rejiminə sığındı. Buradan isə öz xalqına qarşı müharibə elan etdi. Bəzi ərəb ölkələrini bu müharibəyə səslədi və yaradılan koalisiya bu gün də Yəməni bombalayır. Müharibə yolu ilə Yəmən xalqını təslim edə bilməyən Səud koalisiyası ABŞ-ın dəstəyi ilə Yəməni blokada şəraitində saxlayır. Hazırda 21 milyon əhalisi olan Yəmənin 80 faizi aclıqdan əziyyət çəkir. Vəbaya yoluxma halı 500.000-dən çoxdur. Onların 460 mini uşaqdır. Hazırda Yəməndə xalqın böyük dəstək verdiyi Ənsarullah Hərəkatı hakimiyyətdədir və Səud koalisiyasına qarşı mübarizə aparırlar.