FaktXəbər-in RİA Novosti agentliyinə istinadən verdiyi məlumata görə, Səudiyyə Ərəbistanın energetika naziri Xalid əl-Falih bildirib ki, krallığın dövlət neft şirkəti  "Saudi Aramco" gələn ildən başlayaraq sıxılmış təbii qazın (STQ) kütləvi satışına başlaya bilər.

Nazir cari ildə Səudiyyə Ərəbistanının "Arktika STQ-2" layihəsinə qoşularaq dünyada STQ bazarında ən əsas oyunçularına çevriləcəyinə ümid etdiyini deyib. 

Həmçinin əl-Falih qeyd edib ki, hazırda Səudiyyə Ərəbistanı STQ layihələri ilə bağlı ABŞ və Rusiya ilə danışıqlar aparır.

Qeyd edək ki, hazırda STQ satışı üzrə Qətər birinci yer tutur.