Yəməndə "Ənsarullah" hərəkatının döyüşçüləri fərari prezident Mənsur Hadinin generallarının yerləşdiyi "əl-Ənəd" bazasını pilotsuz təyyarə ilə vurub. FaktXəbər bildirir ki, bu barədə "RİA Novosti" agentliyi məlumat yayıb.

Məlumata görə. Lahj vilayətindəki hərbi bazanın vurulması zamanı baş qərargah rəisi Abdullah ən-Nəxəi və onun müavini, general-mayor Saleh əz-Zindani, hərbi kəşfiyyat rəisi, general-mayor Məhəmməd Saleh Təməh və general-mayor Sabit Cəvasın xəsarət alıblar. Generalların durumu barədə məlumat verilməsə də, pilotsuz apararatdan hücum zamanı xeyli sayda hərbçinin öldüyü bildirilir.

Xatırladaq ki, Səudiyyə rejiminin birbaşa diqtəsi ilə hökumət idarə edən Yəmən prezidenti Mənsur Hadi buna etiraz edən xalqa qarşı zor tətbiq etdikdən sonra ölkə boyu kütləvi aksiyalar həyata keçirilmişdi. Xalq Mənsur Hadidən islahatlar həyata keçirməyi və Səudiyyənin tapşırıqlarının yerinə yetirməməyi tələb edirdi. Uzun müddətli aksiyalar zamanı prezidentin əmri ilə xalqa qarşı sıxılan güllə vəziyyəti bir qədər də gərginləşdirdi və Mənsur Hadi ölkədən qaçaraq Səud rejiminə sığındı. Buradan isə öz xalqına qarşı müharibə elan etdi. Bəzi ərəb ölkələrini bu müharibəyə səslədi və yaradılan koalisiya bu gün də Yəməni bombalayır. Müharibə yolu ilə Yəmən xalqını təslim edə bilməyən Səud koalisiyası ABŞ-ın dəstəyi ilə Yəməni blokada şəraitində saxlayır. Hazırda 21 milyon əhalisi olan Yəmənin 80 faizi aclıqdan əziyyət çəkir. Vəbaya yoluxma halı 500.000-dən çoxdur. Onların 460 mini uşaqdır. Hazırda Yəməndə xalqın böyük dəstək verdiyi Ənsarullah Hərəkatı hakimiyyətdədir və Səud koalisiyasına qarşı mübarizə aparırlar.