Xəbər Lenti

İnfoqrafika

Arxiv

Yazar

08 Yanvar

2019
11:17
1054
2018-ci ilin ən populyar mobil əlavə və oyunları açıqlanıb

“App Annie” analitik şirkəti 2018-ci ilə yekun vuraraq ən populyar mobil əlavə və oyunları açıqlayıb. Reytinq “Apple App Store” və “Google Play” mağazalarında dünya yükləmə statistikasına əsaslanır.

Ən populyar əlavə “Facebook Messenger” olub. İkinci pillədə “Facebook” şəbəkəsi, üçüncüdə “WhatsApp” messenceri, dördüncüdə “Tik Tok” sosial şəbəkəsi qərarlaşıb. Liderlər beşliyini “Instagram” şəbəkəsi tamamlayıb.

Reytinqə görə, ən çox yüklənən oyunlar kimi müvafiq olaraq birinci, ikinci və üçüncü yerləri tutan “Helix Jump”, “Subway Surfers” və “PUBG Mobile” seçilib. Proqram tərtibatçılarına ən çox qazanc gətirən əlavələr arasında lider mövqedə “Netflix” yer alıb. Oyunlar arasında birinci pillədə “Fate/Grand Order” qərarlaşıb.

Bildirilir ki, 2018-ci ildə “Apple App Store” və “Google Play” mağazalarında yükləmələrin ümumi sayı 113 milyardı ötüb ki, bu da 2017-ci ilin nəticələri ilə müqayisədə 10 faiz çoxdur. İstifadəçilər proqramlara ümumilikdə 76 milyard dollar sərf ediblər. Bu isə 2017-ci ilin göstəricisini 20 faiz üstələyir.  

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : populyar mobil oyunlar 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-02-2019 20:39



  (+994 55) 786-96-84

  [email protected]

Valyuta.com