Belarus prezidenti Aleksandr Lukaşneko ilə rusiyalı həmkarı Vladimir Putin razılığa gələ bilməyib. FaktXəbər bildirir ki, bu barədə Kremldə dörd saatdan çox davam edən danışıqların yekunlarına dair Belarus liderinin mətbuat katibi Natalya Eysmont məlumat verib.

Onun sözlərinə görə, tərəflər qərarın qəbul olunması üçün yeni ilə qədər bir dəfə də görüşməyi razılaşdırıblar.

Prezidentlər arasında müzakirə Belarusun neft emalı sektoru, Rusiyanın neft sənayesində vergi manevri və Birlik Dövləti daxilində razılaşmaların təhlilindən ibarətdir.

Rusiya tərəfinin bəyanatlarına əsasən, Lukaşenko hələlik Rusiyadan 2019-ci ildə mavi yanacaq tədarükünün qiymətinə yenidən baxılmasına nail ola bilməyib.