Xəbər Lenti

İnfoqrafika

Arxiv

Yazar

29 Noyabr

2018
08:44
Yəməni xaraba qoyan Səudiyyə ilə ABŞ arasında silah müqaviləsi - 15 milyard dollar

Səudiyyə Ərəbistanı və Birləşmiş Ştatlar arasında Amerika istehsalı olan THAAD raket hücumlarından müdafiə kompleksinin alınması üçün 15 milyard dollar dəyərində müqavilə imzalanıb.

FaktXəbər-in məlumatına görə, bu barədə TASS ABŞ Dövlət Departamentindəki mənbəyə istinadən xəbər yayıb.

Bildirilir ki, sözügedən razılıq əsasında Səudiyyə Ərəbistanına 44 THAAD qurğusu, 360 raket, 16 idarəetmə mərkəzi və bu kompleks üçün 7 radar verəcək.

"Birləşmiş Ştatlar ölkəmizin maraqlarının təmin olunması məqsədi ilə Səudiyyə Ərəbistanının etibarlı tərəfdaşı olaraq qalmaq niyyətindədir, eləcə də İsrailin və regiondakı digər ölkələrin", - Dövlət Departamentindən bildirilib.

Xatırladaq ki, oktyabrda ABŞ prezidenti Donald Tramp bildirib ki, Səudiyyə Ərəbistanı ilə 110 milyard dollarlıq silah satışı üzrə sövdələşmənin ləğv etməyəcək.

Qeyd edək ki, bir müddət əvvəl Səudiyyə Ərəbistanının vəliəhd şahzadəsi Məhəmməd bin Salmanın adı Amerikanın "Vaşinqton Post" qəzetinin jurnalisti Camal Qaşıqçının öldürülməsində hallandırılmışdı. Belə ki, onun ABŞ-dakı Səudiyyə səfirinə zəgn vuraraq Qaşıqçı məsələsini bitirməsi barədə tapşırıq verdiyi ortaya çıxıb. Onun bu tapşırığından sonra isə Səudiyyənin Türkiyədəki Baş Konsulluğuna gələn Qaşıqçı bir daha oradan bayıra çıxmayıb. Onun konsulluq binasında doğranaraq kanalizasiya quyusuna atıldığı bildirilir.

Bundan əlavə, Səudiyyə Ərəbistanının koalisiya yaradaraq Yəməndə də dinc xalqa divan tutması göz qabağındadır. Belə ki, Səudiyyə rejiminin birbaşa diqtəsi ilə hökumət idarə edən Yəmən prezidenti Mənsur Hadi buna etiraz edən xalqa qarşı zor tətbiq etdikdən sonra ölkə boyu kütləvi aksiyalar həyata keçirilmişdi. Xalq Mənsur Hadidən islahatlar həyata keçirməyi və Səudiyyənin tapşırıqlarının yerinə yetirməməyi tələb edirdi. Uzun müddətli aksiyalar zamanı prezidentin əmri ilə xalqa qarşı sıxılan güllə vəziyyəti bir qədər də gərginləşdirdi və Mənsur Hadi ölkədən qaçaraq Səud rejiminə sığındı. Buradan isə öz xalqına qarşı müharibə elan etdi. Bəzi ərəb ölkələrini bu müharibəyə səslədi və yaradılan koalisiya bu gün də Yəməni bombalayır. Müharibə yolu ilə Yəmən xalqını təslim edə bilməyən Səud koalisiyası ABŞ-ın dəstəyi ilə Yəməni blokada şəraitində saxlayır. Hazırda 21 milyon əhalisi olan Yəmənin 80 faizi aclıqdan əziyyət çəkir. Vəbaya yoluxma halı 500.000-dən çoxdur. Onların 460 mini uşaqdır. Hazırda Yəməndə xalqın böyük dəstək verdiyi Ənsarullah Hərəkatı hakimiyyətdədir və Səud koalisiyasına qarşı mübarizə aparırlar.

Bu cür hadisələrin fonunda ABŞ rəhbərliyinin Səud rejimi ilə yeni silah müqaviləsi imzalaması suallar doğurur.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
67298

Növbəti buraxılış imtahanları başlayıb

25

İyun
10:59
ELM / TƏHSİL
64777

AMB-nin valyuta məzənnələri

23

İyun
10:11
İQTİSADİYYAT
66576

Nefti qiyməti bahalaşmağa başlayıb

23

İyun
09:30
İQTİSADİYYAT
65860

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
71508

QMİ yaslarla bağlı xəbərdarlıq etdi

19

İyun
18:10
ÖLKƏ
65698

İyunun 22-də dolların manata qarşı məzənnəsi

19

İyun
17:55
İQTİSADİYYAT
66036
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-02-2021 10:40





  [email protected]

Valyuta.com

Рейтинг@Mail.ru