İsrail rejimi əsgərlərinin "Böyük qayıdış yürüşü" tədbirləri çərçivəsində Qəzzanın şimalındakı Beyt hanun (Erez) sərhəd məntəqəsi qarşısında keçirdikləri dinc mitinqə müdaxiləsi zamanı fələstinli uşaq şəhid olub.

FaktXəbər bildirir ki, Qəzzadakı Səhiyyə Nazirliyinin rəsmi açıqlamasında İsrail əsgərlərinin mitinqlərə müdaxiləsi zamanı istifadə etdiyi həqiqi güllənin 15 yaşlı Əhməd Səmir Əbu Hablın başına dəydiyi bildirilir.

Açıqlamada 15 nəfərin də qazdan zəhərləndiyi qeyd edilir.

"Böyük qayıdış yürüşü" aksiyaları Qəzzaya tətbiq olunan mühasirənin ləğvi və fələstinli qaçqınların ölkələrinə geri qayıtmaq hüquqlarının bərpası məqsədi ilə keçirilir.

Sözügedən aksiyalar cari ilin 30 mart tarixindən keçirilir. 

İsrail əsgərlərinin 30 martdan bu yana davam edən dinc aksiyalara müdaxiləsi nəticəsində 200-ə yaxın fələstinli şəhid olub.