Suriya prezidenti uşaq olanda atası Hafiz Əsəd kimi pilot olmaq istəyirmiş. FaktXeber.com-un TASS-a istinadla verdiyi məlumata görə, Suriya prezidenti  Bəşər Əsəd ölkədə döyüş tapşırıqlarını yerinə yetirərkən həlak olan  rusiyalı hərbçilərin ailələri ilə görüşündə belə deyib.

Görüş zamanı  Rusiya Qəhrəmanı Oleq Peşkovun  oğlu Saşa mülki aviasiya pilotu olmaq istədiyini deyib.

«Bəli, mən anlayıram. Mən sən yaşda olanda dəftərlərimin hamısını təyyarə şəkilləri ilə doldurmuşdum», - deyə Əsəd bildirib.

Bəşər Əsəd görüşdə Orta Şərqi bürüyən terror dalğasına da diqqət çəkib.

«Bu gün Beynəlxalq terrorizmə əsas dəstək Qərb dünyasından gəlir, hansı ki bu yolla böyük olmayan ölkələrin üzərində  nəzarəti əldə etmək istəyir», deyə o, bildirib.

«Eyni şey Rusiya ətrafındakı böyük olmayan ölkələrlə də baş verir. Sizin atalarınız, oğullarınız, həyat yoldaşlarınız  təkcə qəhrəmanlıq etməyiblər, həmçinin ədalətli dünyanın qurulması üçün öz töfhələrini veriblər», - deyə Suriya Ərəb Respublikasının (SƏR) prezidenti bildirib.

Əsəd Rusiyanın böyük mənəvi dəyərlərə sahib olduğunu və bunun onun düşmənlərinə xoşuna gəlmədiyini vurğulayıb.

«Həlak olan qəhrəmanlar ölkəni güclü edir. Həlak olan suriyalı  əsgərlər də Suriyanı güclü etdi», - deyə o, davam edib.

Prezident ölkənin övladlarının Vətəndən qaçarsa və onu müdafiə etməzsə dövlətin dağılacağına diqqət çəkib. Bu konteksdə SƏR lideri faşistlərin II Dünya müharibəsində Avropaya yürüşünü xatırladıb: «Fransa və digər Avropa ölkələri ilə nə baş verdi? Onlar təslim oldular və Avropanın azadlığı ancaq Leninqradın blokadasının qırılmasından və Stalinqrad qələbəsindən sonra başladı».