Səudiyyə Ərəbistanı rəhbərliyi müqəddəs Həcc ziyarəti ilə əlaqədar Suriya vətəndaşlarını Məkkə şəhərinə buraxmayacaq. FaktXəbər bildirir ki, bu barədə ictimaiyyətə Suriyanın Vəqflər Nazirliyi məlumat yayıb.

Səudiyyə rəhbərliyi əhalisinin sayına görə hər bir ölkəyə Məkkə və Mədinə şəhərlərinə daxil ola bilmələri üçün müəyyən kvota təyin edir. Həcc ziyarətinə yollanan zəvvarlar üçün xüsusi vizalar hazırlanır.

Qeyd edək ki, Səudiyyə Ərəbistanı hakimiyyəti yeddinci il ardıcıl olaraq Həcc ziyarəti üçün Suriya vətəndaşlarına ölkəyə daxil olmağa icazə vermir.